మంచు విష్ణు డ్రీమ్ ప్రాజెక్ట్ కన్నప్ప. ఈ సినిమాలో ప్రభాస్ ఓ కీలక పాత్ర పోషిస్తున్నారు. దీనిపై ఇటివలే అధికారిక ప్రకటన ఇచ్చారు. ప్రభాస్ సెట్స్ లో అడుగుపెట్టారని అభిమానులుని సర్ ప్రైజ్ చేశారు విష్ణు. ఈ సందర్భంగా విడుదల చేసిన ఫోటోలో కేవలం ప్రభాస్ కాళ్ళని మాత్రమే చూపించారు.
కాగ ఈ చిత్రం ప్రభాస్ పాత్రపై భిన్నమైన కథనాలు వస్తున్నాయి. ఇందులో ప్రభాస్ శివునిగా కనిపిస్తారని మొదట ప్రచారం జరిగింది. శివ భక్తుడైన నందీశ్వరుడుగా ప్రభాస్ కనిపించనున్నారని మరికొన్ని వార్తలు వినిపించాయి.
ఇప్పుడు ఆయన పాత్రకు సంబధించిన మరో ఆసక్తికరమైన సంగతి తెలిసింది. ఇందులో ప్రభాస్ అవధూతగా కనిపిస్తారని సమాచారం. అవధూత అంటే.. కేవలం బ్రహ్మ నిష్ఠతో వర్ణాశ్రమాదులను విడచిన సన్యాసి, శరీరం విూది ఆచ్ఛాదనంతో సహా లౌకిక బంధాలన్నీ వర్జించినవాడు; దిగంబర సన్యాసి, దండకమండలాదులను కూడా విడిచిన తాపసి అనే అర్ధాలు వున్నాయి. ప్రస్తుతం షూటింగ్ జరుగుతోంది. మరో రెండు రోజుల్లో ఆయన పోర్షన్ అంతా పూర్తవుతుంది. తర్వాత ఆయన పాత్రకు సంబధించిన మరో అప్డేట్ వచ్చే అవకాశం వుంది.
