ఈనెల 31న రావాల్సిన సినిమా ‘హ‌రోం హ‌ర’. అయితే అదే రోజున నాలుగైదు చిత్రాలు విడుద‌ల‌కు సిద్ధ‌మ‌య్యాయి. అందుకే ‘హ‌రోం హ‌ర’ ఈ పోటీ నుంచి త‌ప్పుకొంది. జూన్ 14న వ‌స్తున్న‌ట్టు చిత్ర‌బృందం అధికారికంగా ప్ర‌క‌టించింది. మే 31న కృష్ణ పుట్టిన రోజు. ఆ సంద‌ర్భంగా సుధీర్‌బాబు త‌న సినిమాను విడుద‌ల చేద్దామ‌నుకొన్నాడు. కానీ మంచి ఛాన్స్ మిస్స‌య్యింది. అయితే.. అదే రోజున ‘హ‌రోం హ‌ర’ ట్రైల‌ర్ విడుద‌ల చేసే ప్లాన్ లో ఉంది చిత్ర‌బృందం. సుధీర్ బాబు స‌ర‌స‌న మాళ‌విక శ‌ర్మ క‌థానాయిక‌గా న‌టించింది. సునీల్ ఓ కీల‌క పాత్ర పోషించాడు. జ్ఞాన సాగ‌ర్ ద్వారక ఈ చిత్రానికి ద‌ర్శ‌కుడు. సుధీర్ బాబు గ‌త సినిమాల‌తో పోలిస్తే.. దీనిపై కాస్త బ‌జ్ ఉంది. టైటిల్ ప‌వ‌ర్ ఫుల్‌గా ఉండడం, తొలి పాట జ‌నాల్లోకి వెళ్ల‌డం, అందులోని విజువ‌ల్స్ క్వాలిటీ ఇవ‌న్నీ ‘హ‌రోం హ‌ర’ స్థాయిని పెంచాయి. దానికి తోడు ఓటీటీ, శాటిలైట్ ప‌రంగానూ క్రేజ్ సంపాదించుకొంది. అయితే… గుంపులో గోవిందంగా రావ‌డం కంటే, కాస్త ఆల‌స్యంగా సినిమాని విడుద‌ల చేస్తే, సోలో రిలీజ్ ద‌క్కుతుంద‌ని టీమ్ భావించింది. అందుకే మే 31 పోటీ నుంచి త‌ప్పుకొంది. అలాగ‌ని జూన్‌లో కూడా సోలో రిలీజ్ ద‌క్కుతుంద‌న్న గ్యారెంటీ లేదు. ఏపీలో ఎల‌క్ష‌న్ ఫీవ‌ర్ అయిపోయింది క‌దా, ఇక సినిమాలు వ‌రుస క‌ట్ట‌డం ఖాయం. మ‌రి ఆ పోటీలో… `హ‌రోం హ‌ర` ఎలా నిల‌బ‌డ‌గ‌లుగుతుందో?
‘హ‌రోం హ‌ర’.. కాస్త ఆల‌స్యంగా!
