ఈ యేడాది విడుద‌ల కాబోతున్న అతి పెద్ద ప్రాజెక్టుల‌లో ‘క‌ల్కి’ ఒక‌టి. ఈ సినిమా కోసం ప్ర‌భాస్ అభిమానులే కాదు, యావ‌త్ సినీ లోకం ఆస‌క్తిగా ఎదురు చూస్తోంది. అయితే ఈ చిత్రానికి సంబంధించిన ఒక్క ఈవెంట్ కూడా ఇప్ప‌టి వ‌ర‌కూ చేయ‌లేదు. ఇప్పుడు తొలిసారి మే 22న హైద‌రాబాద్ లోని రామోజీ ఫిల్మ్ సిటీలో ఓ భారీ ఈవెంట్ నిర్వ‌హించ‌త‌ల‌పెట్టింది `క‌ల్కి` టీమ్‌. ఈ వేడుక‌లో క‌నీసం 50 వేల మంది ప్ర‌భాస్ అభిమానులు పాలుపంచుబోతున్నార‌ని అంచ‌నా. దేశ వ్యాప్తంగా ఉన్న ప్ర‌ధాన మీడియా ప్ర‌తినిధులు సైతం ఈ కార్య‌క్ర‌మానికి హాజ‌రు కాబోతున్నారు. `క‌ల్కి` టీమ్ మొత్తం ఈ ఈవెంట్ లో పాలు పంచుకోబోతోంది. ఇక నుంచి ‘కల్కి’ ప్ర‌మోష‌న్లు మొద‌లైపోయిన‌ట్టే అనుకోవాలి. జూన్ 27న ఈ చిత్రాన్ని విడుద‌ల చేయాల‌ని చిత్ర‌బృందం భావిస్తోంది. అంటే మ‌రో న‌నెల రోజుల స‌మ‌యం ఉంది. ఈలోగా ప్ర‌మోష‌న్ల‌కు శ్రీ‌కారం చుట్ట‌డం మంచి విష‌య‌మే. ఈ సినిమాకు సంబంధించి జ‌నంలోకి చేరాల్సిన కంటెంట్ చాలా ఉంది. అందుకే.. టీమ్ కూడా ద‌శ‌ల వారీగా కంటెంట్ ని విడుద‌ల చేయాల‌ని చూస్తోంది. దీపిక‌, క‌మ‌ల్ పాత్ర‌ల‌కు సంబంధించిన టీజ‌ర్లు, పాట‌లు రెడీగా ఉన్నాయి. ఇక నుంచి ఒకొక్క‌టిగా విడుద‌ల చేయ‌డ‌మే బాకీ.