నిఖిల్ తో ‘స్పై’ చిత్రాన్ని తెర‌కెక్కించారు చ‌ర‌ణ్ తేజ్ ఉప్ప‌ల‌పాటి. ఇప్పుడు ద‌ర్శ‌కుడిగా మారారు. బాలీవుడ్ స్టార్‌ కాజోల్ కీల‌క పాత్ర‌లో ఓ బాలీవుడ్ చిత్రాన్ని రూపొందిస్తున్నారు. ఫ‌స్ట్ షెడ్యూల్ కూడా పూర్త‌య్యింది. త్వ‌ర‌లోనే టీజ‌ర్ విడుద‌ల చేయ‌నున్నారు. ఇదో యాక్ష‌న్ థ్రిల్ల‌ర్‌. కాజోల్ తో పాటుగా ప్ర‌భుదేవా, న‌సీరుద్దీన్ షా.. కీల‌క పాత్ర‌లు పోషిస్తున్నారు. సంయుక్త మీన‌న్ మ‌రో క‌థానాయిక‌గా క‌నిపించ‌నుంది.

కాజోల్ ఓ సినిమా ఒప్పుకోవ‌డం అంటే మామూలు విష‌యం కాదు. ఈమ‌ధ్య త‌న‌కు చాలా ఆఫ‌ర్లు వ‌చ్చినా చ‌లించ‌లేదు. అయితే చ‌ర‌ణ్ ఉప్ప‌ల‌పాటి క‌థ‌కు కాజోల్ క్లీన్ బౌల్డ్ అయిన‌ట్టు స‌మాచారం. పైగా స్టార్ కాస్టింగ్ కూడా బాగానే ఉండ‌డంతో కాజోల్ ఈ సినిమాపై సంత‌కం చేసింది. కాజోల్ – ప్ర‌భుదేవా అన‌గానే ‘మెరుపు క‌ల‌లు’ సినిమా, అందులోని ‘వెన్నెల‌వే.. వెన్నెల‌వే’ పాట గుర్తొస్తాయి. ఆ త‌ర‌వాత మ‌ళ్లీ వీరిద్ద‌రూ క‌లిసి న‌టించ‌డం ఇదే తొలిసారి. కాక‌పోతే… ‘మెరుపు క‌ల‌లు’ ఓ ల‌వ్ స్టోరీ. ఈ సినిమా యాక్ష‌న్ థ్రిల్ల‌ర్. టైటిల్ తో పాటుగా మిగిలిన వివ‌రాలు త్వ‌ర‌లోనే ప్ర‌క‌టిస్తారు.