వేణుస్వామి కేసీఆర్ గెలుస్తారని చెప్పారు. ఓడిపోయాడు. వేణు స్వామీ హైదరాబాద్ టీం ఐపీఎల్ గెలుస్తుందని జోస్యం చెప్పారు.. కానీ కనీస పోటీ ఇవ్వలేదు. ఇదే వేణు స్వామి గత మూడు నెలలుగా జగన్ గెలుస్తాడని చెబుతున్నారు.. అయ్యో అనుకుంటున్నారు వైసీపీ ఫ్యాన్స్. జాతకాల పేరుతో తనకు ఇష్టం లేని వాళ్లపై పిచ్చికూతలు కూసే వేణుస్వామి వ్యవహారం మొదటి నుంచి వివాదాస్పదమే.
ఆ హీరో చనిపోతాడని.. ఈ హీరోయిన్ చనిపోతుందని ఇలా చావు జోస్యాలు కూడా చెప్పే వేణుస్వామిని… నీ చావు ఎప్పుడు అని నెటిజన్లు ఎక్కువే ఉంటారు. డబ్బుల కోసం ఎలా కావాలంటే అలా జాతకాలు చెబుతాడని పేరు తెచ్చుకున్న ఆయన .. .. వైసీపీ పెయిడ్ చానల్స్ లో జగన్ గెలుస్తాడని జోస్యాలు చెబుతూ హడావుడి చేస్తున్నారు. జగన్ ఫ్యాన్స్ కు ధైర్యం ఇస్తున్నారని క్యాప్షన్స్ పెట్టుకుంటున్నారు. కానీ ఇప్పుడు ఆయన ఇస్తోంది ధైర్యం కాదని.. అధైర్యం అని చెప్పుకోవాల్సి వస్తోంది.
జాతకం అంటే విశ్వాసం . నమ్మకం. అలా ఉంటేనే నమ్ముతారు. చెప్పే ప్రతి అంశం తప్పయితే.. అతను చెప్పేది ఫార్స్ అని అర్థమవుతుంది. ఎవరో ఒకరు గెలుస్తారని చెప్పి.. గెలిచిన తర్వాత అదిగో నేను చెప్పినట్లే గెలిచారని టముకు వేసుకునే స్థితి నుంచి.. అడ్డగోలు అబద్దాలతో ట్రోల్ స్టఫ్ అయ్యారు వేణుస్వామి.
