పవర్ స్టార్ పవన్ కళ్యాన్ ప్రస్తుతం సర్దార్ గబ్బర్ సింగ్ సినిమా చేస్తున్న సంగతి తెలిసిందే. సినిమా గురించి నిత్యం ఏదో ఒక న్యూస్ బయటకు వచ్చేలా చేస్తున్న చిత్రయూనిట్ ఇంకా సినిమా షూటింగ్ దశలోనే ఉంచటం పలు అనుమానాలకు దారి తీస్తుంది. అసలు సినిమా అనుకున్న టైంకు రిలీజ్ చేస్తారా లేదా అన్న విషయం కూడా అర్ధం కావట్లేదు పవర్ స్టార్ అభిమానులకు.
ఇప్పటికే సినిమా గురించి ఏవేవో రూమర్ లు ఫిల్మ్ నగర్ లో చక్కర్లు కొడుతున్న సమయంలో వాటికి బలం చేకూరేలా సినిమా కూడా పోస్ట్ పోన్ అవుతుందేమో అని భయపడుతున్నారు అభిమానులు. అయితే ఏది ఏమైనా సినిమా అనుకున్న టైం అంటే ఏప్రిల్ 8న రిలీజ్ చేయడం కన్ఫాం అని పలు సందర్భాల్లో తెగేసి చెప్పాడు నిర్మాత శరత్ మారర్. చెప్పడమైతే చెప్పాడు కాని సినిమా ఇంతకీ ముందుకు కదలని పక్షంలో లాస్ట్ మినిట్ డేట్ చేంజ్ చేసినా చేయొచ్చని అంటున్నారు.
అయితే స్టార్ హీరోల సినిమాలు అనుకున్న టైంకు అటు ఇటుగా వచ్చినా ఏం కాదు. కాకపోతే స్టార్ హీరోల సినిమా ధాటికి తట్టుకోలేక వారి సినిమాకు అటో ఇటో ఓ పది రోజుల గ్యాప్ తో రిలీజ్ చేసుకునే చిన్న సినిమాలకు ఇదో పెద్ద సమస్యలా తయారవుతుంది. మరి సర్దార్ సినిమా రిలీజ్ ఎప్పుడు అవుతుందో చిత్రయూనిట్ ఓ క్లారిటీ ఇస్తే వేరే సినిమాల దర్శక నిర్మాతలు వారి సినిమాల జాతకలను చూసుకుంటారు.
