హరీష్ శంకర్ లో మంచి మాస్ టచ్ వుంది. ఆయన ఏ కథ చెప్పినా మాస్ అప్పీలింగ్ తో తయారు చేస్తుంటారు. రిమేకులు చేయడంలో కూడా ఆయనకి సెపరేట్ స్టయిల్ వుంది. దబాంగ్ తో పోలిక రాకుండా గబ్బర్ సింగ్ కి ట్రీట్మెంట్ చేశారాయన.
ఇప్పుడు రవితేజ తో మిస్టర్ బచ్చన్ తీస్తున్నారు. ఇది బాలీవుడ్ సినిమా రైడ్ కి రీమేక్. ఇన్కమ్ టాక్స్ రైడ్ నేపధ్యంలో జరిగే కథ ఇది. అయితే ఈ కథకు తనదైన స్టయిల్లో మాస్ టచ్ ఇచ్చారని తాజాగా వచ్చిన షో రీల్ చూస్తుంటే అర్ధమౌతోంది.
ఒక్క డైలాగ్ కూడా లేని ఈ షోరీల్ యాక్షన్ ఎలిమెంట్స్ నిండిపోయింది. రవితేజకు ఇచ్చిన ఎలివేషన్స్, మాస్ వైబ్ ఫ్యాన్స్ కి నచ్చేలా వుంది. అలాగే షో రీల్ని పరిశీలించి చూస్తే రైడ్ లో లేని ఓ కొత్త లేయర్ కూడా ఇందులో యాడ్ అయినట్లుకనిపిస్తుంది. రవితేజ, హరీష్ కలసి మిరపకాయ్ లాంటి మంచి హిట్ ఇచ్చారు. ఇప్పుడు మళ్ళీ కాంబినేషన్ రిపీట్ కావడంతో మిస్టర్ బచ్చన్ పై మంచి అంచనాలే వున్నాయి.
