కింగ్ నాగార్జున, యూత్ హీరో కార్తి కలిసి నటించిన మల్టీస్టారర్ సినిమా ఊపిరి.. వంశీ పైడిపల్లి డైరెక్ట్ చేసిన ఈ సినిమా పివిపి బ్యానర్ లో పరం వి పొట్లూరి నిర్మించారు. హాలీవుడ్ ఇన్ టచబుల్స్ సినిమాకు రీమేక్ గా వస్తున్న ఈ సినిమా ఆడియో రిలీజ్ నాడు కేవలం టీజర్ మాత్రమే రిలీజ్ చేశారు. అయితే ట్రైలర్ కోసం ఎదురుచూసిన అభిమానులకు నిరాశే కలిగింది. ఇక నిన్న నాగ్ తనయులిద్దరు నాగచైతన్య, అఖిల్ కలిసి ఊపిరి ట్రైలర్ రిలీజ్ చేశారు.

సెలబ్రిటీస్ అలా రిలీజ్ చేసిన వెంటనే ఇలా యూ ట్యూబ్ లో దర్శనమిచ్చే ట్రైలర్.. ఇప్పటికి ఇంకా అప్లోడ్ అవలేదు. కొన్ని టెక్నికల్ ప్రాబ్లమ్స్ వల్ల ఈ ట్రైలర్ రిలీజ్ చేసినా అది అప్లోడ్ అవలేదట. అయితే దీన్ని గమనించిన దర్శక నిర్మాతలు ఆ సమస్య పరిష్కరించి ట్రైలర్ అప్లోడ్ చేసేలా చూస్తున్నారు. అసలే ఎంతో ఈగర్ గా వెయిట్ చేస్తున్న ఊపిరి ట్రైలర్ ఇంకా లేట్ అవడం అభిమానుల్లో కాస్త నిరాశ కలిగిందని చెప్పాలి.

తమన్నా హీరోయిన్ గా నటించిన ఈ సినిమాలో నాగ్ కేవలం వీల్ చైర్ లోనే దర్శనమిస్తున్నాడు. సినిమాలో తాను కలదలేకపోయినా సరే మనసు మాత్రం పరుగెడుతూనే ఉంటుందని ఆడియో రిలీజ్ కార్యక్రమంలో నాగార్జున అన్నారు . మనం, సోగ్గాడే చిన్ని నాయనా లాంటి సూపర్ సక్సెస్ ల తర్వాత నాగార్జున నటిస్తున్న ఈ ఊపిరి కూడా సూపర్ సక్సెస్ అవుతుంది అనడంలో సందేహం లేదు. మార్చ్ 25న రిలీజ్ అవుతున్న ఈ సినిమా గురించి పరిశ్రమ వర్గాలు కూడా ఎదురుచూస్తుండటం విశేషం.