ధ‌నుష్ – నాగార్జున‌ల‌తో ఓ మ‌ల్టీస్టార‌ర్ చేస్తున్నాడు శేఖ‌ర్ క‌మ్ముల. అదే ‘కుబేర’. ఈ సినిమా శ‌ర వేగంగా షూటింగ్ జ‌రుపుకొంటోంది. ఆ త‌ర‌వాత శేఖ‌ర్ క‌మ్ముల ఏ హీరోతో సినిమా చేస్తాడు? అనే విష‌యంపై దాదాపు ఓ స్ప‌ష్ట‌త వ‌చ్చింది. ఈసారి ఆయ‌న నానితో జ‌ట్టు క‌ట్టే అవ‌కాశాలు పుష్క‌లంగా క‌నిపిస్తున్నాయి. ఈమేర‌కు ఇద్ద‌రి మ‌ధ్యా చ‌ర్చ‌లు కూడా జ‌రిగాయ‌ని ఇన్ సైడ్ వ‌ర్గాల టాక్‌. ఏసియ‌న్ సునీల్ ఈ చిత్రానికి నిర్మాత‌గా వ్య‌వ‌హ‌రించే అవ‌కాశాలు క‌నిపిస్తున్నాయి. నాని ప్ర‌స్తుతం ‘స‌రిపోదా శ‌నివారం’ సినిమాతో బిజీగా ఉన్నాడు. ఆ త‌ర‌వాత ‘హిట్ 3’ని ప‌ట్టాలెక్కిస్తాడు. ఈ రెండూ పూర్త‌యిన త‌ర‌వాతే శేఖ‌ర్ క‌మ్ముల సినిమా ఉంటుంది.
శేఖ‌ర్ క‌మ్ముల సినిమా త‌ర‌వాత సినిమా స్పీడుగా తీసే ర‌కం కాదు. రెండు సినిమాల మ‌ధ్య స్క్రిప్టు కోసం గ్యాప్ తీసుకోవ‌డం ఆయ‌న‌కు అల‌వాటు. ‘కుబేర’ త‌ర‌వాత కూడా అదే జ‌ర‌గ‌బోతోంది. ‘కుబేర’ విడుద‌లైన త‌ర‌వాత ఆయ‌న స్క్రిప్టుపై క‌స‌ర‌త్తులు చేయాల్సివుంది. ఆ త‌ర‌వాతే నాని సినిమా మొద‌ల‌వుతుంది. ఈలోగా నాని మరో రెండు సినిమాలు రెడీ చేసినా ఆశ్చ‌ర్యం లేదు. కాక‌పోతే.. నాని – శేఖ‌ర్ క‌మ్ముల కాంబో మాత్రం వెరీ ఇంట్ర‌స్టింగ్ గా ఉండ‌బోతోంది. బాక్సాఫీసుకు కావ‌ల్సినంత కిక్ ఇచ్చే కాంబో ఇది. సో… ఈ కాంబో గురించి ఎంత కాలం వెయిట్ చేసినా త‌ప్పు లేదు.
