దిల్ రాజు ప్రొడ‌క్షన్స్‌ కాన్సెప్ట్ సినిమాలపై ద్రుష్టి పెట్టింది. తొలి ప్రయత్నంగా వచ్చిన బ‌లగం అనుహ్యమైన విజయం సాదిస్తే ‘ల‌వ్ మీ’ మాత్రం కాస్త నిరాశ పరిచింది. ఇప్పుడు సుహాస్ ప్రధాన పాత్రలో ‘జనక అయితే గనక’ అనే టైటిల్ తో సినిమా వస్తోంది. హ‌ర్షిత్ రెడ్డి, హ‌న్షిత ఈ సినిమాను నిర్మించారు.
తాజాగా ప్రభాస్ ఈ సినిమా టీజర్‌ను సోషల్ మీడియాలో రిలీజ్ చేశారు. ‘ఆ ఒక్క నిర్ణయం నా లైఫ్‌ను మార్చేసింది’అనే డైలాగ్ తో మొదలైన టీజర్ లో కాన్సెప్ట్ ని క్లియర్ గా చెప్పారు.
‘నేను ఒక వేళ తండ్రినైతే.. నా పెళ్లాన్ని సిటీలో ఉన్న బెస్ట్ హాస్పిటల్‌లో చూపించాలి.. నా పిల్లల్ని బెస్ట్ స్కూల్‌లో చేర్పించాలి.. మంచి ఎడ్యుకేషన్ ఇప్పించాలి.. బెస్ట్ లైఫ్ ని ఇవ్వాలి.. బెస్ట్ ఇవ్వలేనప్పుడు పిల్లల్ని కనకూడదు’ ఇది ఓ మిడిల్ క్లాస్ మ్యాన్ అయిన హీరో క్యారెక్టర్.
ఈ రోజుల్లో పిల్లల్ని పెంచడం చదివించడం డబ్బుతో ముడిపడిన కాస్ట్లీ వ్యవహారం. దీనికీ భయపడి అసలు పిల్లలే వద్దనేది కొందరి అభిప్రాయం. దర్శకుడు సందీప్ ఇదే కాన్ ఫ్లిక్ట్ ని పట్టుకొని ఈ కథ తయారు చేసుకున్నారని టీజర్ చూస్తే అర్ధమౌతోంది.
హీరో క్యారెక్టరై జేషన్,తండ్రి పాత్రలో గోపరాజు రమణ ట్రాక్, ముఖ్యంగా స్మశానవాటికలో డిజైన్ చేసిన టీజర్ ఎడింగ్ క్యాచిగా వున్నాయి. కాన్సెప్ట్ పరంగా టీజర్ కి మంచి మార్కులే పడ్డాయి. త్వరలోనే సినిమా రిలీజ్ డేట్ ని అనౌన్స్ చేస్తారు.
