బాల‌కృష్ణ మెంటాలిటీ వేరు. ఓ హీరోయిన్ తో ట్యూన్ అయితే, ఆమెతోనే ఎక్కువ సినిమాలు చేసేస్తుంటాడు. ఈ సీజ‌న్‌లో ఆ ఛాన్స్ ప్ర‌గ్యా జైస్వాల్ కి వ‌చ్చింది. ‘లెజెండ్‌’లో బాల‌య్య స‌ర‌స‌న క‌నిపించింది ప్ర‌గ్యా. ఆ సినిమా సూప‌ర్ హిట్ అయ్యింది. ఇప్పుడు ‘అఖండ 2’ రాబోతోంది. బోయ‌పాటి శ్రీ‌ను బాల‌య్య కోసం ఓ ప‌వ‌ర్ ఫుల్ స్క్రిప్టు సిద్ధం చేశాడు. ఇందులో హీరోయిన్ క్యారెక్ట‌ర్ మ‌ళ్లీ ప్ర‌గ్యాకే ద‌క్కింది. ‘అఖండ 1’లో క‌నిపించిన పాత్ర‌లు పార్ట్ 2లోనూ కంటిన్యూ అవుతాయి. అందులో ప్ర‌గ్యా పాత్ర ఒక‌టి.

దాంతో పాటు బాల‌య్య‌తో మ‌రో సినిమా చేసే ఛాన్స్ కూడా అందుకొంది ఈ ముద్దుగుమ్మ‌. బాల‌కృష్ణ – బాబి కాంబోలో ఓ చిత్రం రూపుదిద్దుకొంటున్న సంగ‌తి తెలిసిందే. ఇందులో ఊర్వ‌శీ రౌతాలా హీరోయిన్‌. ఇప్పుడు మ‌రో క‌థానాయిక‌గా ప్ర‌గ్యాని తీసుకొన్నారు. అలా… బాల‌య్య‌తో హ్యాట్రిక్ కొట్టింద‌న్న‌మాట‌. ఇటీవ‌ల ప్ర‌గ్యా సెట్లోకి కూడా వ‌చ్చింద‌ని తెలుస్తోంది. నిజానికి ‘అఖండ‌’ త‌ర‌వాత ప్ర‌గ్యాని ఎవ‌రూ పెద్ద‌గా ప‌ట్టించుకోలేదు. మ‌ళ్లీ బాల‌య్య సినిమాతోనే ఆమెకు ఛాన్స్ దొరికింది. ‘అఖండ 2’ కూడా త్వ‌ర‌లోనే సెట్స్‌పైకి వెళ్తుంది. ప్ర‌స్తుతం స్క్రిప్టుకి తుది మెరుగులు దిద్దుతున్నాడు ద‌ర్శ‌కుడు బోయ‌పాటి శ్రీ‌ను.