నాగ అశ్విన్ సినిమాల్లో విజ‌య్ క‌నిపించ‌డం ఓ సెంటిమెంట్ గా మారిపోయింది. ‘క‌ల్కి’లోనూ ఓ చిన్న కేమియో చేశాడు విజ‌య్ దేవ‌ర‌కొండ‌. ‘క‌ల్కి 2’లో కూడా త‌న పాత్ర ఉంది. ఈసారి ఇంకొన్ని ఎక్కువ స‌న్నివేశాల్లోనే విజ‌య్ క‌నిపిస్తాడ‌ని టాక్‌. ‘కల్కి’ రిలీజ్ రోజున రిజ‌ల్ట్ చూసి విజ‌య్ ఫుల్ ఖుషీ అయిపోయాడు. ఇండియ‌న్ సినిమాని నాగీ నెక్ట్స్ లెవ‌ల్‌కి తీసుకెళ్లాడ‌ని ట్వీట్ చేశాడు. అంతేకాదు.. రూ.1000 కోట్ల క్ల‌బ్ లో చేరుతుంద‌ని జోస్యం చెప్పాడు. ఇప్పుడు అదే నిజ‌మైంది. ‘క‌ల్కి’ తాజాగా రూ.1000 కోట్ల మైలు రాయి అందుకొంది. ఈ విష‌యాన్ని చిత్ర‌బృందం అధికారికంగా ప్ర‌క‌టించింది. రూ.1000 కోట్ల సినిమా చేయ‌డం ప్ర‌భాస్ కు ఇది రెండోసారి ‘బాహుబ‌లి 2’ త‌ర‌వాత‌… మ‌రోసారి ప్ర‌భాస్ ఈ మైల్ స్టోన్ సాధించిన‌ట్టైంది.

‘క‌ల్కి’ స‌క్సెస్ మీట్ భారీగా నిర్వ‌హించాల‌ని వైజ‌యంతీ మూవీస్ భావించింది. అయితే… ప్ర‌మోష‌న్ల హ‌డావుడిలో కుద‌ర్లేదు. ఇప్ప‌టికీ స్వ‌ప్న‌ద‌త్‌, ప్రియాంకాద‌త్ ప్ర‌మోష‌న్ల‌లోనే బిజీగా ఉన్నారు. ప్ర‌స్తుతం అమెరికాలో ప్ర‌చారం చేస్తున్నారు. రెండు మూడు రోజుల్లో హైద‌రాబాద్ తిరిగొస్తారు. ఇక్క‌డికి వ‌చ్చాక ‘క‌ల్కి’ స‌క్సెస్ మీట్ నిర్వ‌హించే అవ‌కాశం ఉంది. ఇది వ‌ర‌కు ముంబైలో ఈ ఈవెంట్ చేయాల‌ని అనుకొన్నారు. ఈసారి మాత్రం హైద‌రాబాద్, లేదంటే అమ‌రావ‌తిలో చేయాల‌ని ప్లాన్ చేస్తున్నారు. వైజ‌యంతీ మూవీస్ 50వ సంవ‌త్స‌రంలోకి అడుగు పెట్టిన నేప‌థ్యంలో ఈ వేడుక మ‌రింత గ్రాండ్ గా చేయాల‌ని అశ్వ‌నీద‌త్ ఫిక్స‌య్యారు.