అసలు తెలుగు పరిశ్రమకు స్పూఫ్ లు వాడటం.. స్టార్ హీరోలను ఇమిటేట్ చేసి ఆడియెన్స్ ను కడుపుబ్బా నవ్వించడం మొదలుపెట్టింది అల్లరి పిడుగు మన అల్లరి నరేష్. తండ్రి కామెడీ సినిమాలను డైరెక్ట్ చేస్తే తాను తన నటనతో ప్రేక్షకులకు కితకితలు పెడతానని అల్లరి సినిమాతో తెరంగేట్రం చేసి నవ్వుల పండుగ చేసుకుంటున్నాడు. అయితే కెరియర్ మొదట్లో మంచి జోష్ మీదున్న నరేష్ అప్పట్లో సంవత్సరానికి 7 నుడి 8 సినిమాల దాకా చేసి రిలీజ్ చేసేవాడు. ఇప్పుడు కనీసం రెండు సినిమాలను కూడా రిలీజ్ చేయలేని పరిస్థితిలో ఉన్నాడు. కొంతకాలంగా కొత్త రక్తం ఇండస్ట్రీకి పరిచయమవడం తాను వేసిన రెడ్ కార్పెట్ లో గోల్డెన్ లెగ్ తో వెళ్తున్నారు.
ఎవరు ఏం చేసినా ఎవరి టాలెంట్ వారిదే అందుకే ప్రేక్షకులకు మరోసారి తన టాలెంట్ తో నవ్వించి కవ్వించాలని చూస్తున్నాడు అల్లరి నరేష్. లాస్ట్ ఇయర్ వచ్చిన జేమ్స్ బాండ్ కూడా నిరాశ పరచడంతో ఇప్పుడు కొత్త సినిమా ‘సెల్ఫీ రాజా’గా రాబోతున్నాడు నరేష్. ప్రస్తుతం ట్రెండ్ సృష్టిస్తున్న సెల్ఫీ ఫోటోల హంగామా అంతా ఇంతా కాదు. అయితే ఇదే కథాశంతో ఓ సినిమా తీస్తున్నాడు నరేష్. అంతేకాదు ఈ సినిమాతో తన పూర్వ వైభవాన్ని తిరిగి సంపాధించేస్తా అనే నమ్మకాన్ని కూడా వెళ్లబుచ్చుతున్నాడు.
సో సెల్ఫీ రాజాగా వస్తున్న అల్లరి నరేష్ కు ఈ సినిమా ఎన్నాళ్ల నుండో వెయిట్ చేస్తున్న సూపర్ హిట్ కిక్ ను తనకు అందించాలని కోరుకుందాం. సినిమా దర్శకుడు, మిగతా స్టార్ కాస్ట్ ఎవరనేది త్వరలో ఎనౌన్స్ చేసే అవకాశం ఉంది.
