ధనుష్ 50 సినిమా రాయన్. ఈ సినిమాకి స్వయంగా ఆయనే దర్శకత్వం వహిస్తున్నారు. సందీప్ కిషన్ ఓ కీలక పాత్రధారి. తాజాగా ట్రైలర్ ని వదిలారు. ‘అడవిలో బలమైన జంతువులు పులి, సింహాలే. కానీ ప్రమాదమైన జంతువు తోడేలు. ఎదురెదురుగా నిలబడితే సింహమే గెలుస్తుంది. కానీ తోడేలు చాలా జిత్తులుమారి. గుంపుగా చుట్టుముట్టి ఒక పధకం వేసి సింహన్ని ఓడిస్తుంది” ఈ వాయిస్ కి తగ్గట్టుగా ఇందులో పాత్రలని పరిచయం చేస్తూ ట్రైలర్ మొదలైయింది.

రాయన్ లో ‘రా’ యాక్షన్ వుంది. ట్రైలర్ లో యాక్షన్ సీక్వెన్స్ లకి పెద్దపీట వేశారు. ఎవరికీ డైలాగులు లేవు. ధనుష్ చివర్లో బాషా స్టయిల్ లో చేతులుకట్టి ‘బ్రతిమాలను’ అని చెప్పడం ఆసక్తిగానే వుంది. సందీప్ కిషన్, ఎస్జే సూర్య, ప్రకాష్ రాజ్ ఇలా మంచి తారబలమే వుంది. ఎస్జే సూర్యది కీలక పాత్రని ట్రైలర్ చూస్తే అర్ధమౌతోంది. రెహ్మాన్ నేపధ్య సంగీతం కూడా బాగానే మెరిసింది. ధనుష్ నుంచి వస్తున్న పక్కా యాక్షన్ సినిమా ఇది. జూలై 26న తెలుగు ప్రేక్షకులు ముందుకు వస్తోంది.