వైసీపీ లీడర్ విజయసాయి పరిస్థితి కుడితిలోపడ్డ ఎలుక మాదిరి తయారైంది. ఎరక్కపోయి సమస్యలో ఇరుక్కుపోవడమే కాదు.. బయటపడే మార్గం తెలియక గింజుకుంటున్నాడు. ఏం చేయాలో తెలియక.. ఏదేదో చేస్తున్నాడు. ప్రస్తుతం ఏపీలో చర్చ అంతా విజయసాయిరెడ్డి గురించే జరుగుతోంది.
శాంతి అనే ఉద్యోగినితో శారీరక సంబంధం ఉందని ఆమె మొదటి భర్త మదన్ ఆరోపణలు చేశారు. తాను చెప్పేది అబద్దమైతే..విజయసాయి డీఎన్ఏ టెస్ట్ కు సిద్దపడాలని మదన్ సవాల్ చేశారు. తనపై వచ్చిన ఆరోపణలను మీడియా సమావేశం ఏర్పాటు చేసి ఖండించిన విజయసాయి.. డీఎన్ఏ టెస్ట్ కు సిద్దపడాలని మదన్ చేసిన సవాల్ పై మాత్రం స్పందించలేదు.
కనీసం తను తప్పు చేయలేదు.. తనెందుకు డీఎన్ఏ టెస్ట్ కు సిద్దపడాలని రివర్స్ లో క్వశ్చన్ కూడా చేయలేదు. మీడియాను కెలికి అనవసరంగా బుక్ అయ్యానని అనుకున్నారేమో..ఈ వ్యవహారంపై ఇక స్పందించేందుకు అస్సలు ఇష్టపడటం లేదు.
పొలిటికల్ సర్కిల్ అంతా డీఎన్ఏ టెస్ట్ గురించి మాట్లాడుకుంటూంటే.. దాన్నుంచి డైవర్ట్ చేసేందుకు విజయసాయి తాజాగా తన తెలివిని మరోసారి ప్రదర్శించారు. తనపై పడిన మరకలను తుడుచుకునే ప్రయత్నం చేయకుండా కూటమి సర్కార్ ను టార్గెట్ చేశారు. రాష్ట్రంలో జరుగుతోన్న నేరాలు, ఘోరాలపై చంద్రబాబు శ్వేతపత్రం విడుదల చేయోచ్చు కదా అంటూ ఎక్స్ లో పోస్ట్ చేశారు.
విజయసాయిరెడ్డి ఈ అంశాన్ని లేవనెత్తడం వెనక వ్యూహం ఉందని అంటున్నారు. ఈ డీఎన్ఏ టెస్ట్ వ్యవహారంపై మీడియా అటెన్షన్ ను డైవర్ట్ చేసేందుకే ఆయన ఈ ట్వీట్ చేసి ఉంటారని రాజకీయ పరిశీలకులు అభిప్రాయపడుతున్నారు. జగన్ వద్ద కూడా ఇలాంటి తెలివి తేటలే ప్రదర్శించి దూరమయ్యారు అనే వాదనలకు తాజా ఎపిసోడ్ బలం చేకూర్చుతోంది.
కానీ, ఈ విషయం ప్రజల్లోకి వెళ్ళిపోయింది. మరో విధంగా డైవర్ట్ చేయాలనుకున్నా.. సాధ్యం అయ్యేలా లేదు. ఇప్పుడు డీఎన్ఏ టెస్టే విజయసాయి రెడ్డి నిజాయితీని తేటతెల్లం చేయగలదు. అందుకు ఆయన సిద్దపడకపోతే మాత్రం ఎప్పటికీ అది మచ్చగానే మిగిలిపోనుంది.
