హైదరాబాద్: టీఎస్‌ఆర్-టీవీ9 అవార్డ్స్ కార్యక్రమం ఆదివారం సాయంత్రం హైదరాబాద్‌లోని శిల్పకళావేదికలో ఘనంగా జరిగింది. చిరంజీవి, బాలకృష్ణ మొదటినుంచీ చివరివరకు వేదికపైనే సుబ్బరామిరెడ్డితోపాటు ఉండి కార్యక్రమాన్ని నడిపించారు. రాంచరణ్, రానా, గోపీచంద్, వెంకటేష్, మోహన్‌బాబు, శ్రీను వైట్ల, బోయపాటి శ్రీనుకూడా హాజరయ్యారు. విదేశాలలో షూటింగ్‌‌లో ఉన్న నాగార్జున తన వీడియో సందేశాన్ని పంపారు.  హీరోయిన్లు తమన్నా, రకుల్‌ప్రీత్, శ్రియ, తాప్సికూడా హాజరయ్యారు. చార్మి, శ్రద్ధాదాస్‌లు ప్రత్యేక గీతాలతో అలరించారు. పవన్, మహేష్, ఎన్‌టీఆర్‌వంటి యువహీరోలు మాత్రం హాజరుకాలేదు. ఇక బాలీవుడ్‌నుంచి పలువురు ప్రముఖులు హాజరుకావటం విశేషం. శతృఘ్నుసిన్హా, రిషికపూర్, శక్తి కపూర్, షబానా అజ్మీ, గుల్షన్ గ్రోవర్, శిల్పా శెట్టి, రవీనా టాండన్, షోలే దర్శకుడు రమేష్ సిప్పీ, మాధుర్ భండార్కర్‌, గాయకుడు అద్నాన్ సామీ కూడా హాజరయ్యారు. ఇంతమందిని ఒక్కచోటకు చేర్చిన ఘనత సుబ్బరామిరెడ్డిదే.