నాచురల్ స్టార్ నాని క్రేజ్ గురించి ఇప్పుడు ప్రత్యేకంగా చెప్పాల్సిన అవసరం లేదు అనుకుంటా.. వరుసెంట భారీ హిట్స్ అందుకుంటూ స్టార్ ఇమేజ్ ను సొంతం చేసుకుంటున్న నాని.. రీసెంట్ గా వచ్చిన కృష్ణగాడి వీర ప్రేమ గాథతో మరోసారి తానేంటో ప్రూవ్ చేసుకున్నాడు. ఇక ప్రస్తుతం తనకు హీరోగా మొదటి అవకాశం ఇచ్చిన ఇంద్రగంటి మోహనకృష్ణ దర్శకవంలో ఓ సినిమా చేస్తున్న నాని తన తర్వాత సినిమాకు కూడా రంగం సిద్ధం చేసుకున్నాడు.
ఉయ్యాల జంపాల అంటూ చిన్న సినిమాతో పెద్ద విజయం అందుకున్న దర్శకుడు విరించి వర్మ నానికి అదిరిపోయే కథ చెప్పాడట. కథ నచ్చిన నాని తనతో సినిమా చేసేందుకు సిద్ధమయ్యాడట. మోహనకృష్ణ సినిమా తర్వాత నాని విరించి వర్మ సినిమానే చేస్తున్నట్టు ఫిల్మ్ నగర్ టాక్. సో మొదటి సినిమా తర్వాత కొద్దిరోజులు గ్యాప్ తీసుకున్న విరించి వర్మ నాచురల్ స్టార్ నానితో ఎలాంటి సినిమా తీస్తాడో చూడాలి.
ప్రస్తుతం సినిమా దర్శకుడు ఎవరు.. హీరో ఎవరు అనే లెక్కలు వేయకుండా సినిమా కంటెంట్ నచ్చితే సూపర్ హిట్ చేసేస్తున్నారు తెలుగు ప్రేక్షకులు. ఆ దారిలోనే సూపర్ సక్సెస్ అయిన విరించి వర్మ తన రెండో సినిమాను కూడా మంచి విజయాన్ని అందుకోవాలని.. వరుస విజయాలతో సక్సెస్ కు కేర్ ఆఫ్ అడ్రెస్ గా మారిన నానికి రాబోయే ఈ సినిమా కూడా భారీ విజయాన్ని అందించాలని కోరుకుందాం.
