ప్ర‌స్తుతం స‌ర్దార్ – గ‌బ్బ‌ర్ సింగ్ షూటింగ్‌లో బిజీగా ఉన్నాడు పవన్ క‌ల్యాణ్ . ఆ త‌ర‌వాత ఏమాత్రం గ్యాప్ తీసుకోకుండా తన త‌దుప‌రి సినిమాని ప‌ట్టాలెక్కించేయాల‌ని కృత నిశ్చ‌యంతో ఉన్నాడు. ఇటీవ‌ల కొన్ని క‌థ‌ల్ని విన్న పవన్… ఖుషీ ద‌ర్శ‌కుడు ఎస్‌.జె.సూర్య తో ఓ ప్రాజెక్టు ప‌ట్టాలెక్కించ‌డానికి రెడీ అయ్యాడ‌ని టాక్‌. త‌మిళంలో ఘ‌న విజ‌యం సాధించిన వేదాళం రీమేక్ ని ఎస్‌.జె సూర్య‌కి అప్ప‌గించాడు పవన్. ప్ర‌స్తుతం అందుకు సంబంధించిన ప‌నులూ మొద‌లైపోయాయి.
ఇటీవ‌ల ముంబైలో ఈ చిత్రానికి సంబంధించిన మ్యూజిక్ సిట్టింగ్ జ‌రిగాయి. అనూప్ సంగీత సార‌ధ్యంలో గీత ర‌చ‌యిత రామ‌జోగయ్య శాస్త్రి, సూర్య క‌ల‌సి పాట‌ల కోసం క‌స‌ర‌త్తులు మొద‌లెట్టాశారు. ఇప్ప‌టికే రెండు పాట‌లు ఓకే అయిపోయాట. స‌ర్దార్ అవ్వ‌గానే.. ఓ నెల రోజులు విరామం తీసుకొని, వెంట‌నే వేదాళం రీమేక్ ని మొద‌లెట్టాల‌ని పవన్ భావిస్తున్నాడ‌ని స‌మాచారం. ఈ యేడాది ఆఖ‌రుక‌ల్లా… ఈ రీమేక్ ని పూర్తి చేస్తార‌ని తెలుస్తోంది.
