సినిమా పాట ఈక్వేషన్ మారిపోయింది. మంచి పల్లవి, ఆకట్టుకునే చరణాలు, కలకాలం నిలిచిపోయే ట్యూన్ కోసం శ్రమించేవారు సంగీత దర్శకులు. ఇది గతం. ఇప్పుడంతా రీల్స్ ట్రెండ్. ట్యూన్ చేస్తే రీల్స్ లో వైరల్ అవుతుందా లేదా? అనే కొలమానంలో పాటలు తయారౌతున్నాయి. ఇప్పుడు రజనీకాంత్‌ ‘వేట్టయాన్‌’ తొలి పాటని కూడా రీల్స్ నే ద్రుష్టిపెట్టుకొని ట్యూన్ చేశాడు అనిరుధ్ రవిచందర్.
ఈ సినిమా నుంచి ‘మనసిలాయో’ లిరికల్‌ వీడియో సాంగ్ విడుదల చేశారు. ఈ పాట ఎలా వుంది? సాహిత్యం ఏమిటి ? అనే మాట పక్కన పెడితే రీల్స్ గా వైరల్ అయ్యేంత స్టఫ్ ఇందులో వుంది. రీల్స్ వైరల్ కావాలంటే పాటలో ఎదో పార్ట్ క్యాచి గా వుండాలి. డ్యాన్స్ కూడా అందరూ చేసేలా వుండాలి. ఈ పాటలో ఆ రెండూ వున్నాయి. ఒక చోట అనిరుధ్ కూడా కనిపించాడు. అందరూ చేయగల సిగ్నేచర్ స్టెప్ వుంది.
పాట వైరల్ అయితే సగం ప్రమోషన్ అయిపోయినట్లే. జైలర్ సమయంలో కూడా నివ్ కావాలయ్యా పాట విడుదల ముందు హంగామా చేసింది. ఆ ట్రెండ్ ని అనుసరించే ఈ పాటని కూడా చేశారు. మరి ఏ మేరకు వైరల్ అవుతుందో చూడాలి. అమితాబ్‌ బచ్చన్‌, రానా, ఫహాద్‌ ఫాజిల్‌, మంజు వారియర్‌, రితికా సింగ్‌ ఇలా భారీతారాగణం వున్న ఈ సినిమా క్టోబరు 10న ప్రేక్షకుల ముందుకు రానుంది.
