మార్కెట్ లోకి ఐఫోన్ 16 వ‌చ్చేసింది. ఇండియా మార్కెట్ లోనూ అతి త్వ‌ర‌లోనే అందుబాటులోకి రాబోతున్నాయి.

ఇప్పుడు ఉన్న‌ట్లే ఐఫోన్ 16 కూడా నాలుగు మోడ‌ల్స్ లో అందుబాటులోకి రాబోతుంది. బేస్ మోడ‌ల్ ధ‌ర 79,900గా ఉండే అవ‌కాశం ఉంది. ఐ ఫోన్ 16+ మోడ‌ల్ 89,900, ఐ ఫోన్ 16 ప్రో 1.19ల‌క్ష‌లు, ప్రో మాక్స్ 1.44ల‌క్ష‌ల నుండి ప్రారంభం కానున్నాయి. అయితే, కొత్త మోడ‌ల్ రాగానే పాత వాటిపై భారీ డిస్కౌంట్స్ ప్ర‌క‌టించ‌టం అనవాయితీగా వ‌స్తున్న‌దే.

ప్ర‌స్తుతం మార్కెట్ లో ఉన్న ఐఫోన్ 15పై ఏకంగా 10వేల వ‌ర‌కు డిస్కౌంట్ ప్ర‌క‌టిస్తున్నారు. ఐఫోన్ 14పై కూడా ఇదే డిస్కౌంట్ అందుకోవ‌చ్చు. ఇప్ప‌టికే ఆన్ లైన్ లో ఈ ఆఫ‌ర్స్ అందుబాబులోకి వ‌చ్చేసింది. ప్ర‌స్తుతం 79,900రూపాయ‌లున్న ఐఫోన్ 15 128జీబీ 69,900కే రానుంది. 256జీబీ ఫోన్ 79,900రూపాయ‌లుగా ఉండ‌నుంది.

ఇక ఐఫోన్ 14పై కూడా భారీ డిస్కౌంట్స్ ప్ర‌క‌టించారు. ఐఫోన్ 14 128జీబీ దేశీయంగా 59,900ల రూపాయ‌ల‌కు మార్కెట్ లో అందుబాటులోకి రానుంది.

ఐఫోన్ 16 అమ్మ‌కాలు సెప్టెంబ‌ర్ 20వ తేదీ నుండి ప్రారంభం అయ్యే అవ‌కాశాలున్న‌ట్లు మార్కెట్ వ‌ర్గాలు అంచనా వేస్తున్నాయి.