పవర్ స్టార్ పవన్ కళ్యాణ్ ప్రస్తుతం నటిస్తున్న సినిమా సర్దార్ గబ్బర్ సింగ్ అది పూర్తయి రిలీజ్ అవ్వనే లేదు. తన తర్వాత సినిమాకు రంగం సిద్ధం చేసుకున్నాడు. అంతేకాదు పవన్ తర్వాత సినిమా త్రివిక్రంతో చేస్తాడా.. ఎస్.జె సూర్యతో చేస్తాడా అన్న విషయం మీద కూడా ఓ క్లారిటీ వకూడా ఇచ్చేశాడు. ఎలా అంటారా.. ఇదిగో ఈ పిక్ చూస్తే మీకే అర్ధమవుతుంది..
ఓ సినిమా పూర్తయ్యి ఆ సినిమా హిట్టో ఫట్టో తేల్చుకున్నాక గాని చిన్నగా మరో సినిమా మొదలు పెట్టని పవర్ స్టార్ ఇక చేసేది చివరగా మూడు సినిమాలే అని ఫ్యాన్స్ ఫీల్ అవుతున్నా.. చేసే సినిమాలు కూడా ఫాస్ట్ గా చేసేందుకు సిద్ధమయ్యాడు. అందులో భాగంగానే ఎస్.జె సూర్య సినిమాను ఫిక్స్ చేశాడు పవన్. ఖుషికి సీక్వల్ గా వస్తున్న ఈ సినిమాకు అప్పుడే మ్యూజిక్ సిట్టింగ్ కూడా జరుగుతున్నాయి. ఆ విషయాన్నే తెలియచేస్తూ రామజోగయ్య శాస్త్రి ఓ పిక్ ని షేర్ చేశాడు.
అందులో చిత్ర దర్శకుడు ఎస్.జె సూర్యతో పాటుగా రచయిత ఆకుల శివ, గేయ రచయిత రామజోగయ్య శాస్త్రి, సంగీత దర్శకుడు అనూప్ రూబెన్స్ ఉన్నారు. సో ఇది కచ్చితంగా ఖుషి-2 కి సంబంధించిన టీమే అంటూ ప్రచారం జరుగుతుంది. ఇందులో మరీ షాకింగ్ న్యూస్ ఏంటంటే ఖుషికి సీక్వల్ గా వస్తున్న ఈ ప్రెస్టిజియస్ సినిమాకు అనూప్ రూబెన్స్ సంగీతం అందించే ఛాన్స్ కొట్టెయడం విశేషం. మరి భారీ అంచనాలతో రాబోతున్న ఈ సినిమా ఎలాంటి ఫలితాలన్ని ఇస్తుందో చూడాలి.
