బెల్లంకొండ సాయి శ్రీనివాస్ క‌థానాయ‌కుడిగా విజ‌య్ క‌న‌క‌మేడ‌ల దర్శకత్వంలో ఓ సినిమా రూపుదిద్దుకొంటోంది. ఇందులో నారా రోహిత్, మంచు మనోజ్ కీలక పాత్ర‌లు పోషిస్తున్నారు. ఈ చిత్రానికి ‘వీర ధీర శూర’ అనే పేరు ఖ‌రారు చేసిన‌ట్టు ఇన్ సైడ్ వ‌ర్గాల టాక్‌. త‌మిళంలో విజ‌య‌వంత‌మైన గ‌రుడ‌న్ చిత్రానికి ఇది రీమేక్. తెలుగులో ‘గ‌రుడ’ అనే పేరు పెడ‌దామ‌నుకొన్నారు. అయితే అప్ప‌టికే ఆ పేరు రిజిస్ట‌ర్ అయి ఉంది. అందుకే వేరే టైటిల్ ఎంచుకోవాల్సివ‌చ్చింది. చివ‌రికి ‘వీర ధీర శూర’ పేరు బాగుంటుంద‌ని చిత్ర‌బృందం ఫిక్స‌య్యింది. ఇది ముగ్గురు మిత్రుల క‌థ. స్నేహం, న‌మ్మ‌క ద్రోహం నేప‌థ్యంలో సాగుతుంది. మంచు మనోజ్.. ప్ర‌తినాయ‌క ఛాయ‌లున్న పాత్ర పోషిస్తున్న‌ట్టు తెలుస్తోంది.
బెల్లంకొండ చేతిలో చాలా సినిమాలున్నాయి. టైస‌న్ నాయుడు చిత్రీక‌ర‌ణ ద‌శ‌లో ఉంది. లుధీర్ బైరెడ్డి దర్శకత్వంలో ఓ సినిమా చేస్తున్నాడు శ్రీనివాస్. ఆ సినిమా బ‌డ్జెట్ అటూ ఇటుగా రూ.50 కోట్లు. చావు క‌బురు చ‌ల్ల‌గా ద‌ర్శ‌కుడు కౌశిక్ దర్శకత్వంలో ఓ చిత్రం రూపుదిద్దుకొంటోంది. దీంతో పాటు ‘వీర ధీర శూర’ కూడా స‌మాంత‌రంగా పూర్తి చేసే అవ‌వ‌కాశాలు ఉన్నాయి. త్వ‌ర‌లోనే ఈ చిత్రానికి సంబంధించిన పూర్తి వివ‌రాలు వెల్ల‌డ‌వుతాయి.
