విశాఖ బీచ్ రోడ్డులో కంటెయినర్ టెర్మినల్ లో భారీ అగ్ని ప్రమాదం చోటు చేసుకుంది.ఒక్కసారిగా కంటెయినర్ లో మంటలు పెద్దఎత్తున వ్యాపించాయి. దీంతో స్థానికులు భయాందోళనతో పరుగులు తీశారు. స్థానికుల సమాచారంతో ఘటన స్థలికి చేరుకున్న అగ్నిమాపక సిబ్బంది ఫైరింజన్ల సాయంతో మంటలను ఆర్పే ప్రయత్నం చేశారు.
అయితే.. ఈ అగ్ని ప్రమాదం జరిగిన ప్రాంతానికి అది కొద్ది సమీపంలోనే సూపర్ స్టార్ రజినీకాంత్ చిత్ర షూటింగ్ జరుగుతున్నట్లు సమాచారం. ఈ విషయం తెలుసుకున్న వెంటనే చిత్ర యూనిట్ అలర్ట్ అయింది.
అయితే.. కంటెయినర్ లో లిథియం బ్యాటరీలను కోల్ కత్తాకు పంపేందుకు లోడ్ చేస్తుండగా ఈ ప్రమాదం జరిగినట్లుగా అధికారులు గుర్తించారు. ప్రస్తుతం ఐదు ఫైర్ ఇంజిన్లతో మంటలను అదుపులోకి తీసుకెళ్తున్నారు.
ఇకపోతే, ఘటన స్థలికి సమీపంలోనే కూలీ సినిమా షూటింగ్ జరుగుతోంది. ఈ సినిమాలో రజినీకాంత్ తోపాటు నాగార్జున, ఉపేంద్ర లాంటి స్టార్ హీరోలు నటిస్తుండగా.. శృతి హసన్ హీరోయిన్ , అనిరుద్ సంగీతం సందిస్తున్నారు. వచ్చే ఏడాదిలో ఈ సినిమాను రిలీజ్ చేసే అవకాశం ఉంది.
