టాలీవుడ్లో ఓ బుల్లి మ‌ల్టీస్టార‌ర్ ముస్తాబ‌వుతోంది. మంచు విష్ణు, రాజ్ త‌రుణ్‌లు క‌ల‌సి న‌టిస్తున్నారుగా! మ‌న‌క‌ది బుల్లి మ‌ల్టీస్టార‌ర్ కిందే లెక్క‌. జి.నాగేశ్వ‌ర‌రెడ్డి ద‌ర్శ‌క‌త్వం వ‌హిస్తున్న ఈ చిత్రం శ‌ర‌వేగంగా చిత్రీక‌ర‌ణ జ‌రుపుకొంటోంది. ఈ సినిమా కోసం ఇప్పుడో వెరైటీ టైటిల్ ప‌రిశీలిస్తున్నారు. అదే… ‘వీడు అదొ టైపు.. వాడొ ఇంకోటైపు’. ఇద్ద‌రు హీరోలు ఎవ‌రికి వాళ్లు య‌మ‌నా తీరే.. అన్న‌ట్టు సాగే క‌థ ఇది. భిన్న ధృవాలు క‌లిస్తే ఏమ‌వుతుందన్న‌ది చూపిస్తున్నారు. ఓ మ‌రాఠీ చిత్రానికి రీమేక్‌గా త‌యార‌వుతున్న ఈ చిత్రానికి ఈపేరైతేనే బాగుంటుంద‌ని చిత్ర‌బృందం భావిస్తోంది. ఒక‌ట్రెండు రోజుల్లో ఈ టైటిలే ఫిక్స్ చేసే అవ‌కాశాలున్నాయి. హెబ్బాప‌టేల్‌, సోనారిక క‌థానాయిక‌లుగా న‌టించారు. మ‌రి ఈ ఇద్ద‌రు హీరోల హంగామా ఏ రేంజులో సాగుతుందో తెలియాలంటే… ఇంకొద్ది రోజులు ఆగాల్సిందే.