‘ద‌స‌రా’… నాని మాస్ అవ‌తార్ ఎలా ఉంటుందో చూపించిన సినిమా ఇది. శ్రీ‌కాంత్ ఓదెల‌కు ద‌ర్శ‌కుడిగా ఇదే తొలి సినిమా. తొలి అడుగులోనే త‌న మార్క్ చూపించేశాడు శ్రీ‌కాంత్. ఇప్పుడు వీరి కాంబోలో రెండో సినిమా శ్రీ‌కారం చుట్టుకొంది. సుధాక‌ర్ చెరుకూరి నిర్మాత. బుధ‌వారం షూటింగ్ ప్రారంభించుకొంది.
”2023 మార్చి 7న ‘ద‌స‌రా’ సినిమా కోసంవ ‘క‌ట్..షాట్‌..ఓకే’ చెప్పాను. 2024 సెప్టెంబ‌రు 18న మ‌ళ్లీ ‘యాక్ష‌న్’ చెప్పాను. ఈ మ‌ధ్య‌లో 4 కోట్ల 84 ల‌క్ష‌ల 70 వ‌లే 400 సెక‌న్లు గ‌డిచిపోయాయి. ఇందులో ప్ర‌తీ సెక‌నూ నా త‌దుప‌రి సినిమా కోసం నిజాయితీగా క‌ష్ట‌ప‌డ్డాను. ‘ద‌స‌రా’ కంటే వంద రెట్లు గొప్ప సినిమా తీస్తున్నాన‌ని ప్రామిస్ చేస్తున్నా” అంటూ శ్రీ‌కాంత్ ఓదెల ట్వీట్ చేశాడు.
నాని సినిమాల్లోకంటే ఇదే ఖ‌రీదైన చిత్ర‌మ‌ని, త్వ‌ర‌లోనే మిగిలిన వివ‌రాలు వెల్ల‌డిస్తామ‌ని నిర్మాత పేర్కొన్నారు. ‘ద‌స‌రా’లో నానిని మాస్ అవ‌తార్‌లో చూపించిన ఓదెల ఈసారి మ‌రోవిభిన్న‌మైన పాత్ర‌లో ఆవిష్క‌రించ‌బోతున్న‌ట్టు టాక్. ఈసారి కూడా యాక్ష‌న్‌కే పెద్ద పీట వేస్తున్నార‌ని తెలుస్తోంది. క‌థానాయిక పేరు దాదాపుగా ఖరారైపోయింది. త్వ‌ర‌లోనే ఆమె పేరు ప్ర‌క‌టిస్తారు. ఈ ద‌స‌రాకు టైటిల్ ని బ‌య‌ట పెట్టే అవ‌కాశం ఉంది.
