సూపర్ స్టార్ కృష్ణ ఫ్యామిలీ నుండి వచ్చి హీరోగా ఇప్పుడిప్పుడే ఇమేజ్ సంపాధించిన సుధీర్ బాబు లాస్ట్ ఇయర్ ఎండింగ్ లో వచ్చిన భలే మంచి రోజులో మంచి నటన ప్రతిభను కనబరిచి ప్రశంసలను అందుకున్నాడు. ఇక ఒక్క హిట్ పడితే సుధీర్ స్టార్ అవుతాడు అన్న మహేష్ మాటను అభిమానులు వంతు పాడి ఆ సినిమాను హిట్ చేసేశారు. అయితే ఆ సినిమా ఒక ఎత్తు అయితే సుధీర్ బాబు బాలీవుడ్ తెరంగేట్రం చేసిన భాగి ఒక ఎత్తు.
టైగర్ ష్రాఫ్, శ్రద్ధా కపూర్ జంటగా నటించిన ఈ సినిమాలో ప్రతినాయకుడిగా చేశాడు సుధీర్ బాబు. ఇక్క స్టార్ లెగెసీ ఉన్నా సరే నటన మీద ఉన్న ఆసక్తితో బాలీవుడ్ లో విలన్ గా మారాడు. అయితే రీసెంట్ గా రిలీజ్ అయిన భాగి ట్రైలర్ లో సుధీర్ బాబు అదిరగొట్టేశాడు. ఈ ట్రైలర్ లో సుధీర్ బాబుని చూసి అందరు ఇంప్రెస్ అయ్యారు అంతేకాదు ప్రేక్షకులు కూడా తమ అభినందనలు తెలుపుతూ మెసేజులు చేస్తున్నారట. టాలీవుడ్ సూపర్ హిట్ మూవీ వర్షం రీమేక్ గా తెరకెక్కించబడుతున్న ఈ సినిమా ఏప్రిల్ 29న రిలీజ్ అవుతుంది.
ఇక తన బాలీవుడ్ ప్రయాణంలో మొదటి సినిమా ట్రైలర్ కే ఇంత భారీ రెస్పాన్స్ రావడం చూసి సుధీర్ కాస్త ఎమోషన్ అయ్యాడు. బాలీవుడ్ లో ఓ చాలెజింగ్ రోల్ ఎక్కడో ఉన్న తెలుగువాడిని తీసుకుపోయారని.. మనం ఎవరికి తక్కువేం కాదు అని ట్వీట్ చేశాడు. మొదటనుండి సుధీర్ బాబు యాక్షన్ సీన్స్ లో సెపరేట్ స్టైల్ ను మెయింటైన్ చేస్తూ వచ్చాడు. అదే ఇప్పుడు బాలీవుడ్ ఆఫర్ ను తెచ్చిపెట్టింది. భాగి సినిమా కోసం సుధీర్ బాబు కొన్ని నెలలు ప్రత్యేకంగా శిక్షణ కూడా తీసుకున్నాడు. ట్రైలర్ అయితే హిట్ మరి సినిమా ఎలాంటి రిజల్ట్ ఇస్తుందో చూడాలి.
Ekkado bollywood lo okka challenging role kosam vethukuntu oka telugodni tesuku poyarru…manam evarki thakuva kadhu..☺
— Sudheer Babu (@isudheerbabu) March 14, 2016
