సీక్వెల్ సినిమాల‌పై మోజు ఇప్ప‌టిది కాదు. ఓ సినిమా హిట్ట‌య్యిందంటే… కొన‌సాగించే మార్గాల్ని అన్వేషించుకొంటారు ద‌ర్శ‌కులు. కొన్ని సినిమాలు ప‌ట్టాలుండ‌గానే సీక్వెల్ కోసం ఆరాట‌ప‌డిపోతుంటాయి. ఊపిరి విష‌యంలోనూ ఇదే జ‌రుగుతోంద‌ని టాక్‌. నాగార్జున‌, కార్తీ క‌థానాయ‌కులుగా న‌టించిన చిత్రం ఊపిరి. ఫ్రెంచ్ సినిమా ఇన్ ట‌చ్‌బుల్స్ చిత్రానికి ఇది అఫీషియ‌ల్ రీమేక్‌. ఈనెల 25న ప్రేక్ష‌కుల ముందుకు వ‌స్తోంది. అప్పుడే ఊపిరి 2 చేస్తే ఎలా ఉంటుందా అని వంశీపైడిప‌ల్లి ఆలోచ‌న‌లో ప‌డిపోయార‌ట‌. ఊపిరి 2 రావ‌డం ఖాయ‌మ‌ని, అయితే అది ఊపిరి రిజ‌ల్ట్‌ని బ‌ట్టి ఆధార‌ప‌డి ఉంటుంద‌ని తెలుస్తోంది. ఇప్ప‌టికే ఈ కొన‌సాగింపు క‌థ‌పై నాగ్‌, కార్తిల‌తో వంశీపైడిప‌ల్లి మాట్లాడిన‌ట్టు స‌మాచారం. అటు వైపు నుంచి కూడా గ్రీన్ సిగ్న‌ల్ వ‌చ్చేయ‌డంతో.. ఇక ఊపిరి 2 క‌థ‌పై క‌స‌ర‌త్తులు మొద‌లెట్టేశాడ‌ట వంశీపైడిప‌ల్లి. ఊపిరి సినిమా హిట్ట‌యితే… పార్ట్ 2 కూడా ఉండొచ్చ‌న్న‌మాట‌.