స్టార్ హీరోలు అవకాశం ఇస్తున్నా వరుసగా ఆగడు, బ్రూస్ లీ ఫ్లాప్ లతో అపవాదాలు మూటకట్టుకున్న స్టార్ డైరక్టర్ శ్రీనువైట్ల ఇప్పుడు తానో అర్జెంట్ హిట్ కొట్టేయాలని డిసైడ్ అయ్యాడు. అందుకే మెగా హీరో వరుణ్ తేజ్ తో తీస్తున్న సినిమాకు అన్ని జాగ్రత్తలు తీసుకుంటున్నాడు. ఇప్పటికే కథా కథనాల విషయంలో చర్చలు ముగించిన ఈ సినిమా సంగీతం కూడా మిక్కి జే మేయర్ ఆధ్వర్యంలో చేస్తున్నారట.
తన మార్క్ మెలోడి మ్యూజిక్ ఇస్తూ సినిమా హిట్ కు కావాల్సినంత జోష్ ను తన సంగీతంతో అందిస్తాడు మిక్కి జె మేయర్. ప్రస్తుతం సూపర్ స్టార్ మహేష్ బ్రహ్మోత్సవంతో పాటుగా త్రివిక్రం దర్శకత్వంలో వస్తున్న అ..ఆ సినిమాకు తానే సంగీతం అందిస్తున్నాడు. దేవి శ్రీ ప్రసాద్, థమన్ లాంటి మ్యూజిక్ డైరక్టర్స్ తో సినిమాలు చేసిన శ్రీనువైట్ల ఇప్పుడు మిక్కికి అవకాశం ఇచ్చాడు.
నల్లమలుపు శ్రీనివాస్(బుజ్జి) నిర్మిస్తున్న ఈ సినిమాలో రకుల్ ప్రీత్ సింగ్ ను హీరోయిన్ గా సెలెక్ట్ చేశారని తెలుస్తుంది. మరి స్టార్ హీరోల సినిమాలతో అపజయాలతో పాటుగా క్రేజ్ పోగొట్టుకున్న శ్రీనువైట్ల వరుణ్ తో హిట్ కొడతాడో లేదో చూడాలి.
