చిరంజీవి సినిమాలో క‌థానాయిక‌గా త‌మ‌న్నా పేరు ప‌రిశీలించారా? ఆ త‌ర‌వాతే ఆ ఛాన్స్ న‌య‌న‌తార కు వెళ్లిందా? గ‌త కొంత‌కాలంగా ఈ టాపిక్ టాలీవుడ్‌లో హాట్ హాట్‌గా న‌డిచింది. చిరంజీవి సినిమానే త‌మ‌న్నా కాదందా?? ఎంత ధైర్యం, ఎంత పొగ‌రు?? అంటూ చిరు ఫ్యాన్స్ త‌మ్మూపై అన‌వ‌స‌రంగా నోరు పారేసుకొన్నారు కూడా. ఇదే విష‌యంపై త‌మ‌న్నా మాట్లాడుతూ ఏమందో తెలుసా??
”అస‌లు ఇలాంటి వార్త‌లు ఎక్క‌డి నుంచి పుడ‌తాయో నాకైతే అర్థం కావ‌డం లేదు. చిరంజీవి గారి సినిమాలో న‌టించ‌మ‌ని న‌న్నెవ‌రూ సంప్ర‌దించ‌లేదు. అలాంట‌ప్పుడు నేను నో చెప్పడం ఎలా సాధ్య‌మ‌వుతుంది?” అని ప్ర‌శ్నిస్తోంది త‌మ‌న్నా. ”ఇలాంటి గాసిప్‌ల‌కు పుల్ స్టాప్ పెట్టాల‌నుకొంటున్నా. ఇక మీద‌ట ఏ సినిమా ఒప్పుకొన్నా నేనే ఆ స‌మాచారాన్ని ట్విట్ట‌ర్లో పెడ‌తా. సాంకేతికతను వాడుకొన్నంత సౌల‌భ్యం మ‌రోటి లేదు” అంటోంది త‌మ్మూ. అంటే చిరు సినిమా కోసం త‌మ‌న్నాని సంప్ర‌దించ‌లేద‌న్న‌మాట. మ‌రి ఈ వార్త ఎలా పుట్టింద‌బ్బా??
