హైదరాబాద్: సానియా మిర్జా తన భర్త విజయాన్ని ఒక డబ్ స్మాష్ వీడియోతో సెలబ్రేట్ చేసుకుంది. శ్రీలంక-పాకిస్తాన్ మధ్య జరుగుతున్న వన్డే సిరీస్‌లో మూడో వన్డే నిన్న కొలంబోలో జరిగింది. ఈ వన్డేలో పాక్ విజయం సాధించింది.  ఈ సందర్భంగా ఆ జట్టు ఆటగాడు షోయబ్ మాలిక్, సానియా మిర్జాతో కలిసి ఒక డబ్ స్మాష్ వీడియోతో ఆ విజయాన్ని సెలబ్రేట్ చేసుకున్నారు. ఇటీవలే ప్రతిష్ఠాత్మక వింబుల్డన్ టైటిల్ సాధించిన సానియా మిర్జా తన బిజీ షెడ్యూల్ ముగియటంతో కొలంబోలో ఉన్న భర్త దగ్గరకు వెళ్ళింది. విజయం సాధించిన తర్వాత హోటల్ రూమ్‌లో ఇతర క్రికెటర్లు మహమ్మద్ ఇర్ఫాన్, అదిల్, బాబర్ అజమ్, ముక్తార్ అహ్మద్‌లతో కలిసి బాలీవుడ్ పాటకొకదానికి డాన్స్ చేస్తూ వీడియో తీసుకున్నారు. సానియా, షోయబ్ ఇద్దరూ ట్విట్టర్‌లో ఆ వీడియోను పోస్ట్ చేశారు.