మిక్కీ జె.మేయ‌ర్‌.. ప్ర‌తిభా వంతుడైనా, చేతిలో విజ‌యాలున్నా, వాటిని అవ‌కాశాలుగా మార్చుకోవ‌డంలో, త‌న‌కు తాను ప‌బ్లిసిటీ ఇచ్చుకోవ‌డంలో వెనుక‌బ‌డిన సంగీత ద‌ర్శ‌కుడు. అడ‌పాద‌డ‌పా అలా మెరుస్తుంటాడంతే. ప్ర‌స్తుతం బ్ర‌హ్మోత్సవం చిత్రానికి సంగీతం అందిస్తున్నాడు. త‌న కెరీర్‌లో తొలిసారి ఓ మెగా హీరో సినిమాకి, అందునా మాస్‌ద‌ర్శ‌కుడికి చిత్రానికి సంగీతం అందించ‌బోతున్నాడు. వివ‌రాల్లోకి వెళ్తే….

మెగా హీరో వ‌రుణ్‌తేజ్ క‌థానాయ‌కుడిగా శ్రీ‌నువైట్ల ద‌ర్శ‌క‌త్వంలో ఓ చిత్రం తెర‌కెక్క‌బోతోంది. ఠాగూర్ మ‌ధు నిర్మాత‌గా వ్య‌వ‌హ‌రించ‌బోతున్నారు. ఈ చిత్రానికి సంగీత ద‌ర్శ‌కుడిగా మిక్కీ జె.మేయ‌ర్‌ని ఎంచుకొన్నారు. శ్రీ‌నువైట్ల‌వ‌న్నీ మాస్ త‌ర‌హా చిత్రాలే! మాస్ బీట్‌, ప‌ల్స్ తెలిసిన సంగీత ద‌ర్శ‌కుల‌తోనే ప‌నిచేశారు. తొలిసారి త‌న పంథాకి విభన్నంగా బాణీలిచ్చే మిక్కీ తో పనిచేయ‌డం విశేషం. శ్రీ‌నువైట్ల‌నే మిక్కీ జోన‌ర్‌లోకి వెళ్లారా, లేదంటే మిక్కీని త‌న జోన‌ర్‌లోకి ర‌ప్పించుకొన్నారా అన్న‌ది సినిమా చూస్తేనే కానీ తెలీదు. అయితే ఈ మెగా సినిమాలో మ్యూజిక్ మాత్రం కొత్త జోన‌ర్‌లో ఉండ‌బోతోంది. ఎందుకంటే ఐస్‌క్రీమ్‌, ఆవ‌కాయ్ క‌లిస్తున్నాయిగా.