పి.వాసు అన‌గానే చంద్ర‌ముఖినే గుర్తొస్తుంది. ఏం సినిమా అండీ. తెలుగు, త‌మిళంలో తెగ ఆడేసింది. ఆ స్ఫూర్తితో… చాలా సినిమాలొచ్చాయి. ఇప్ప‌టికీ వ‌స్తున్నాయి. అయితే వాసు కి మాత్రం ద‌ర్శ‌కుడిగా మరో హిట్టు ద‌క్క‌డం లేదు. వెంక‌టేష్ తో నాగ‌మ‌ల్లి తీసినా.. అది అట్ట‌ర్‌ఫ్లాప్ అయ్యింది. మ‌ద్య‌లో ఐశ్వ‌ర్యారాయ్‌తో ఓ లేడీ ఓరియెంటెడ్ మూవీ తెర‌కెక్కిద్దాం అనుకొన్నారు. అది కాస్త మ‌ధ్య‌లోనే ఆగిపోయింది. ర‌జ‌నీకాంత్‌తో తీసిన క‌థానాయ‌కుడు అడ్ర‌స్స్ లేకుండా పోయింది. దాంతో పి.వాసు కెరీర్ సందిగ్థంలో ప‌డింది.

ఇప్పుడు మ‌ళ్లీ ఆయ‌న చంద్ర‌ముఖినే న‌మ్ముకొన్నారు. ఆ సినిమాని కొన‌సాగించాల‌నే ఉద్దేశంతో చంద్ర‌ముఖి 2 అనే స్ర్కిప్టు త‌యారు చేసుకొన్నార‌ట‌. ఇప్పుడున్న ప‌రిస్థితుల్లో ర‌జ‌నీకాంత్ ఎలాగూ డేట్లు ఇవ్వ‌డు. అందుకే క‌న్న‌డ స్టార్ శివ‌రాజ్ కుమార్‌తో ఈసారి బండిలాంగించేద్దామ‌ని ఆయ‌న డిసైడ్ అయ్యార‌ట‌. అతి త్వ‌ర‌లో ఈ సినిమాని సెట్స్‌పైకి తీసుకెళ్లాల‌ని భావిస్తున్నారు. మ‌రి ఈ సినిమాతో అయినా వాసు ఫామ్‌లోకొస్తారేమో చూడాలి.