సూర్య నటించి నిర్మించిన సినిమా ‘పసంగ-2’.. తెలుగులో ‘మేము’గా వస్తున్న ఈ సినిమా ఎన్నో రోజుల నుండి రిలీజ్ డేట్ కోసం ఎదురుచూస్తుంది. సూర్య కి ఉన్న ఫ్యాన్స్ ఫాలోయింగ్ తో మేము ఆడియోని అయితే గ్రాండ్ గా సెలబ్రేట్ చేశారు అనువాద నిర్మాత జూలకంటి మధుసూధన్ రెడ్డి. అయితే కొద్దిరోజులుగా రిలీజ్ కష్టాలు పడుతున్న ఈ సినిమా ఎట్టకేలకు ఈ నెల 18 అదే శుక్రవారం రిలీజ్ చేస్తున్నట్టు ప్రకటించారు.
తీరా రిలీజ్ టైం దగ్గర పడుతున్న సమయంలో ఎందుకో సినిమాను పోస్ట్ పోన్ చేస్తున్నట్టు ప్రకటించారు నిర్మాత మధుసూధన రెడ్డి. పాండిరాజ్ దర్శకత్వంలో చిన్న పిల్లల కథాశంతో వచ్చిన ఈ సినిమా తమిళంలో లాస్ట్ ఇయర్ రిలీజ్ అయ్యి మంచి సక్సెస్ సాధించింది. తమిళంలో సూర్య నిర్మాణ సారథ్యంలో వచ్చిన ఈ సినిమా ఇక్కడ కూడా సూర్య క్రేజ్ తోనే హిట్ కొట్టాలని చూస్తున్నారు.
అయితే ఈ శుక్రవారం ఇప్పటికే మరో 6 సినిమాలు రిలీజ్ అవుతుండటంతో మేము సినిమాను రిలీజ్ పోస్ట్ పోన్ చేశారు దర్శక నిర్మాతలు. మరి పోటీ వద్దనుకున్నారో లేక మరేదైనా కారణాలో తెలియదు కాని ‘మేము’ సినిమా మళ్లీ వాయిదా పడటంతో సూర్య ఫ్యాన్స్ కాస్త ఇబ్బంది ఫీల్ అవుతున్నారు. ట్రెండీ మూవీ సూర్య 24కు ముందు మేము సినిమాలో చూసి ఆనందిద్దామనుకుంటున్న అభిమానులకు ప్రస్తుతానికి మళ్ళీ నిరాశే మిగిలింది.
