హైదరాబాద్: బాహబలి విజయాన్ని ఆస్వాదిస్తున్న హీరో ప్రభాస్, ప్రమోషన్‌ కార్యక్రమాలు పూర్తవటంతో ఇక హాలీడేకు సిద్ధమవుతున్నారు. మూడేళ్ళ శ్రమ, నిరీక్షణ తర్వాత వచ్చిన విజయాన్ని ఎంజాయ్ చేయటానికి యూరప్ వెళుతున్నాడు. బాహుబలి చిత్రానికి పనిచేసిన వారందరికీ హాలీడే అవసరమని ప్రభాస్ అన్నారు. స్కూల్, కాలేజ్ ఫ్రెండ్స్ కొందరితో కలిసి యూరప్ వెళ్ళబోతున్నానని చెప్పారు. ఈ ట్రిప్ రెండువారాలు ఉంటుందని, తిరిగి రాగానే బాహుబలి 2 షూటింగ్  ప్రారంభిస్తామని తెలిపారు. మళ్ళీ షూటింగ్‌కు అవసరమైన శక్తిని ఈ హాలీడేద్వారా పుంజుకుని వస్తానని అన్నారు. ఈసారికూడా రాజమౌళి షెడ్యూల్ సుదీర్ఘంగా ఉంటుందని చెప్పారు. బాహుబలి విజయానికి కారణం స్క్రిప్టేనని చెప్పారు.