స‌ర్దార్ గ‌బ్బ‌ర్ సింగ్ ప్ర‌మోష‌న్ మొద‌లైపోంది. ఈరోజు టీజ‌ర్‌తో.. స‌ర్దార్ ప్ర‌భంజ‌నం స్టార్ట్ అయ్యింది. ఇక నుంచి రోజూ.. ఏదో ఓ రూపంలో సర్దార్ ప్ర‌మోష‌న్ క‌నిపిస్తూనే ఉండేలా చిత్ర‌బృందం జాగ్ర‌త్త‌లు తీసుకొంటోంది. శుక్ర‌వారం స‌ర్దార్ టీమ్ మేకింగ్ వీడియోని విడుద‌ల చేసే ప్ర‌య‌త్నాల్లో ఉంది. శ‌నివారం సాంగ్ టీజ‌ర్‌ని ఆవిష్కరిస్తారు. ఆదివారం.. ఎలాగూ స‌ర్దార్ పాట‌లు బ‌య‌ట‌కు వ‌చ్చేస్తాయి. వాటితో పాటు ట్రైల‌ర్ కూడా చూపించేస్తారు.

ఈ ట్రైల‌ర్ మాస్‌కి మ‌రీ ముఖ్యంగా త‌న ఫ్యాన్స్‌కి నచ్చేలా ఉండేట్టు… ప‌వ‌న్ క‌ల్యాణ్ ప్ర‌త్యేక జాగ్ర‌త్త‌లు తీసుకొంటున్నాడ‌ట‌. ట్రైల‌ర్‌ని తానే ద‌గ్గ‌రుండి మ‌రీ క‌ట్ చేయించాడ‌ని, ట్రైల‌ర్‌లో రెండు మూడు డైలాగులు అదిరిపోయే స్థాయిలో ఉండ‌బోతున్న‌ట్టు తెలుస్తోంది. టీజ‌ర్‌లో ఒక్క డైలాగ్ లేక‌పోయినా విజువ‌ల్ ట్రీట్‌లా ఉండేలా చూసుకొన్నాడు ప‌వ‌న్ రెండు నిమిషాల ట్రైల‌ర్లో మాత్రం.. డైలాగులు, పంచ్‌లు, స్టెప్పులూ అన్నీ గుప్పిస్తున్నాడ‌ట‌. ఇప్ప‌టి వ‌ర‌కూ కాజ‌ల్ లుక్ ఎలా ఉంటుందో చూపించ‌లేదు. ట్రైల‌ర్‌లో ఆ లోటు తీరిపోతోంది. మొత్తానికి ప‌వ‌న్ ప్ర‌భంజ‌నం టీజ‌ర్‌తో మొద‌లైపోయింది. మ‌రి ఈ హంగామా ఎక్క‌డి వ‌రకూ వెళ్లి ఆగుతుందో..?