స్టైలిష్ స్టార్ అల్లు అర్జున్ అంటే మెగా హీరోగానే వచ్చినా తన పవర్ఫుల్ యాక్టింగ్ తో తనకంటూ ఓ సెపరెట్ స్టైల్ ను ఏర్పాటుచేసుకుని స్టైలిష్ స్టార్ అవతారమెత్తాడు. హ్యాట్రిక్ హిట్ జోష్ లో ఉన్న అల్లు అర్జున్ ప్రస్తుతం చేస్తున్న సరైనోడు ఏప్రిల్ 22న రిలీజ్ అవుతుంది. ట్రెండ్ క్రియేట్ చేయడంలో తన సత్తా చాటుతున్న బన్ని సరైనోడు సినిమా ఆడియో రిలీజ్ చేయకుండా డైరెక్ట్ గా మార్కెట్ లోకి సీడిని వదులుతున్నారు.

వైజాగ్ లో సినిమా ప్రమోషన్స్ లో భాగంగా ప్రి రిలీజ్ సక్సెస్ ప్రోగ్రాం ఒకటి ఏర్పాటుచేస్తున్నారు సరైనోడు టీం. బోయపాటి టేకింగ్ తో అదరగొట్టే బన్ని సినిమా హిట్ చేసుకునేందుకు అన్ని రంగాలను నుండి మంచి హైప్ తీసుకువస్తున్నాడు. ఇక ఈ సినిమా తర్వాత బన్ని తమిళ దర్శకుడు లింగు స్వామి దర్శకత్వంలో సినిమా కన్ఫాం చేసాడని తెల్సుతుంది.

అయితే ఈ సినిమాకు సంగీత దర్శకుడిగా కోలీవుడ్ క్రేజీ మ్యూజిక్ డైరక్టర్ అనిరుధ్ ను తీసుకోబోతున్నారట. ఇప్పటికే టాలీవుడ్ లో అనిరుధ్ కి వచ్చిన రెండు భారీ అవకాశాలను మిస్ చేసుకున్నాడు. మరి అల్లు అర్జున్ సినిమానైనా చేస్తాడా లేక దీన్ని కూడా కోలీవుడ్ సినిమాల వల్ల వదిలేస్తాడా అన్నది చూడాలి. ఒకవేళ అనిరుధ్ బన్ని సినిమాను కూడా వదిలేయడం జరిగితే ఇక అతనికి తెలుగులో అవకాశం రావడం కూడా కష్టమే అవుతుంది.