సూపర్ స్టార్ మహేష్ రికార్డుల హవా మళ్లీ మొదలైందని చెప్పాలి. శ్రీమంతుడు సినిమాతో నాన్ బాహుబలి రికార్డులన్ని చెరిపేసిన మహేష్ ఇక రాబోయే సినిమాతో బాహుబలి రికార్డును కూడా క్రాస్ చేశాడు. రాజమౌళి అత్యంత ప్రతిష్టాత్మకంగా తెరకెక్కించిన బాహుబలి మొదటి పార్ట్ ఎన్ని సంచలన రికార్డులను సొంతం చేసుకుందో తెలిసిందే అయితే అలాంటి సినిమా రికార్డును సైతం చెరిపేశాడు మహేష్. అదెలా అంటే ప్రస్తుతం సూపర్ స్టార్ మహేష్ నటిస్తున్న బ్రహ్మోత్సవం తర్వాత తీసే మురుగదాస్ సినిమా భారీ బడ్జెట్ తో నిర్మించబడుతుంది.
ఇంకా సినిమా స్టార్ట్ కూడా అవ్వని ఆ సినిమా బిజినెస్ కూడా జరుగుతుందని టాక్. ఆ క్రమంలోనే తూర్పు గోదావరి జిల్లాకు గాను మహేష్, మురుగదాస్ సినిమాను భారీగా 6.8 కోట్లకు కొన్నాడట ఓ డిస్ట్రిబ్యూటర్ దీనికి సంబంధించి అగ్రిమెంట్ కూడా అయిపోయిందట. అయితే అంత భారీ రేంజ్ లో నిర్మించిన బాహుబలి సినిమానే ఆ ఏరియాలో 5.25 కోట్లకు తీసుకున్నారు. ప్రస్తుతం మహేష్ కు ఉన్న క్రేజ్ దృష్ట్యా ఇంత భారీ మొత్తానికి తీసుకోవడం జరిగింది.
ఇంకా మొదలు పెట్టని సినిమాను ఇంత భారీ రేటుకు కొనడం ఒక రికార్డ్ అయితే తెలుగు సినిమా స్టామినాను దశదిశలల్లా వ్యాపింప చేసిన బాహుబలి సినిమా రికార్డుని మహేష్ బ్రేక్ చేశాడని తెలుస్తుంది. సో ఈ లెక్కన మహేష్ మేనియా షురూ అయ్యిందనే అనాలి..!
