సూర్య మరోసారి తన విశ్వరూపాన్ని చూపించేందుకు రెడీ అవుతున్నాడు.. ఓ పక్క ప్రయోగాత్మకంగా సైంటిఫిక్ సినిమాగా 24ను తెరకెక్కిస్తున్న సూర్య మరో వైపు మరోసారి పవర్ఫుల్ పోలీస్ గా పంజా విసరనున్నాడు. హరి దర్శకత్వంలో ఇప్పటికే రెండు సినిమాలుగా వచ్చిన సింగం నుండి మరో సినిమా సింగం-3 రాబోతుంది. సూర్యతో పాటు అనుష్క ఇందులో కథానాయికగా చేస్తుండగా.. శృతి హాసన్ కూడా స్క్రీన్ షేర్ చేసుకుంటుంది.
సూర్య 24 సినిమా ఈ సమ్మర్ రిలీజ్ కు రెడీ అవుతుండగా.. సింగం-3ను ఏడాది చివర కల్లా రిలీజ్ చేసే ఆలోచనల్లో ఉన్నారు దర్శక నిర్మాతలు. ఇప్పటికే బొలివియాలో షూటింగ్ జరుపుకుని వచ్చిన సింగం యూనిట్ ప్రస్తుతం చెన్నై పరిసర ప్రాంతాల్లో చిత్రీకరణ జరుపుకుంటుంది. ఇక సింగం ట్రైలర్ ను ఈ సంవత్సరం స్వాతంత్య దినోత్సవ కానుకగా ఆగష్టు 15న రిలీజ్ చేయాలని నిర్ణయించారు చిత్ర దర్శక నిర్మాతలు. మొదటి రెండు సినిమాల కన్నా రాబోతున్న సింగం-3లో సూర్య మరింత మాస్ పోలీస్ గా కనిపిస్తాడని అంటున్నారు. మరి సింగం గా మరోసారి ప్రేక్షకుల ముందుకు వస్తున్న సూర్య ఎలాంటి ఫలితాన్ని అందుకుంటాడో చూడాలి.
