చమ్మక్ చల్లో సినిమతో టాలీవుడ్ లోకి ఎంట్రీ ఇచ్చిన మలయాళ భామ కేథరిన్ థ్రెస. మొదటి సినిమా అంత గొప్ప క్రేజ్ తీసుకురాకపోయినా రెండో సినిమాగా వచ్చిన ఇద్దరమ్మాయిలతో అమ్మడిని అమాంత స్టార్ హీరోయిన్ చేసేసింది. అయితే దర్శక నిర్మాతలు కేవలం తననో గ్లామర్ డాల్ లా చూపించడానికి ఇష్టపడుతున్నారు తప్ప నటనా ప్రాధాన్యత ఉన్న సినిమాల్లో మాత్రం తీసుకోవట్లేదని బాధపడుతుంది.
ఇక్కడ పరిస్థితితో పోలిస్తే కోలీవుడ్ లో కేథరిన్ పర్వాలేదనిపించుకున్నా అక్కడ నటించిన సినిమాలను ఓసారి చూస్తే అక్కడ హీరోయిన్ అంటే నాలుగు పాటల కోసమే అన్న పరిస్థితి ఉంది. తనకేమో మంచి యాక్టింగ్ స్కోప్ ఉన్న సినిమాలు చేయాలనుంది కాని దర్శక నిర్మాతలు మాత్రం తనని అందుకు ఉపయోగించుకోవట్లేదు అని బాధపడుతుంది కేథరిన్. ప్రస్తుతం స్టైలిష్ స్టార్ అల్లు అర్జున్ సరైనోడు సినిమాలో సెకండ్ హీరోయిన్ గా నటించిన ఈ భామ ఆ సినిమా మీద చాలా ఆశలు పెట్టుకుంది. మరి కేథరిన్ ఉన్నది కేవలం అందానికే కాదు అభినయానికి కూడా అని ఏ దర్శక నిర్మాతకు అనిపిస్తుందో చూడాలి.
