యంగ్ టైగర్ ఎన్టీఆర్ తన నటవిశ్వరూపాన్ని చూపించిన సినిమా టెంపర్. పూరి జగన్నాథ్ దర్శకత్వంలో వచ్చిన ఈ సినిమా రికార్డులను తిరగరాయలేదు కాని ఫ్లాపులతో సతమతమవుతున్న ఎన్టీఆర్ స్టామినా ఏంటో మరోసారి ప్రూవ్ చేసింది. ఈ సినిమా చూసిన కోలీవుడ్ దర్శకనిర్మాతలు తమిళంలో దీన్ని రీమేజ్ చేయాలని భావించారు. ముందు శింభు అనుకున్న ఈ స్టోరీకి ఫైనల్ గా విశాల్ ఓకే అయ్యాడు. అయితే ఈ కోలీవుడ్ టెంపర్ లోనూ కాజల్ నే కథానాయికగా తీసుకుంటున్నారని తెలుస్తుంది.
తమిళ టెంపర్ స్పెషల్ ఎట్రాక్షన్ గా సమంతతో ఓ ఐటం సాంగ్ ప్లాన్ చేస్తున్నారట దర్శక నిర్మాతలు. సమంత ఐటం సాంగ్ ఓకే చెబుతుందా అంటే హీరోయిన్స్ అన్నాక అన్ని చేస్తుపోవాలి.. కేవలం హీరోయిన్ గానే అంటే ఎలా అప్పుడప్పుడు ఇలా స్పెషల్ చేస్తేనే మజా వస్తుంది అనుకుందో ఏమో సమంత విశాల్ టెంపర్ లో స్పెషల్ సాంగ్ ఒప్పుకుంది. బెల్లంకొండ శ్రీనివాస్ డెబ్యూ సినిమా అల్లుడు శీనులో ఎప్పుడు లేని అందాల ప్రదర్శన చేసి ఔరా.. అనిపించిన సమంత మొదటి సారి చేసే ఐటం సాంగ్ తో ఎలా ఆకట్టుకునోనుందో మరి.
అయితే సమంత ఐటం సాంగ్ చేస్తుందంటూ కోలీవుడ్ మీడియా హడావిడి చేస్తున్నా చిత్రయూనిట్ మాత్రం దీనికి సంబందించిన విషయాన్ని కన్ఫాం చేయలేదు. త్వరలో సినిమాకు సంబంధించిన విషయాలన్ని వెళ్లడయ్యే అవకాశాలు ఉన్నాయి. రీసెంట్ గా కథకళి అంటూ వచ్చి కోలీవుడ్ లో హిట్ కొట్టిన విశాల్ అదే టైటిల్ తో టాలీవుడ్ లో కూడా రిలీజ్ చేశాడు.
