మెగా హీరోలు పవన్ మీద స్ట్రైక్ ఏమన్నా చేశారా ఏంటి.. అదేంటి మళ్లీ కొత్తగా మొన్ననేగా మెగాస్టార్ వచ్చి సర్దార్ ఆడియోని గ్రాండ్ గా రిలీజ్ చేశారు అంటే.. మరి అంత గ్రాండ్ గా రిలీజ్ అయిన ఆడియో గురించి కాని సర్దార్ గబ్బర్ సింగ్ ట్రైలర్ గురించి కాని మెగా హీరోలైన రాం చరణ్, అల్లు అర్జున్, వరుణ్ తేజ్, సాయి ధరం తేజ్ లు ఏమీ మాట్లాడకపోవడం ఆశ్చర్యంగా ఉంది.
ఆడియో బాగుందంటూ ప్రస్తావించి ట్రైలర్ టాక్ గురించి మాట్లాడకుండా ఉన్నాడు రాం చరణ్. ఇక ఏ చిన్న సినిమా తన ఆకర్షణలో పడ్డ దాని గురించి పొగిడే అల్లు అర్జున్ కనీసం సర్దార్ గురించి మాట్లాడనేలేదు. ఇక సాయి ధరం తేజ్, వరుణ్ తేజ్ సర్దార్ షూటింగ్ స్పాట్ కి అయితే వెళ్లి సందడి చేశారు కాని.. సర్దార్ ఆడియో గురించి కాని.. ట్రైలర్ గురించి కాని తమ స్పందన తెలుపలేదు. ఇక ప్రతి చిన్న విషయాన్ని ట్వీట్ చేస్తుండే మెగాహీరో అల్లు శిరీష్ కూడా సర్దార్ ఊసే ఎత్తలేదు.
మరి వీరందరికి సర్దార్ గబ్బర్ సింగ్ నచ్చలేదా లేక కావాలనే సర్దార్ గురించి మాట్లాడకుండా దూరం జరుగుతున్నారా అన్నది తెలియాల్సి ఉంది. ప్రస్తుతం ఒక వారం రోజుల నుండి హోరెత్తిస్తున్న సర్దార్ హంగామా మెగా హీరోల్లో లేకపోవడం కాస్త విచిత్రంగానే ఉంది. ఇక ఒక వైపు సర్దార్ గబ్బర్ సింగ్ ట్రైలర్ అభిమానులు ఊహించనంత పవర్ ఫుల్ గా లేదు అన్న టాక్ కూడా వస్తుంది.
