స్టైలిష్ స్టార్ అల్లు అర్జున్ బోయపాటి కాంబినేషన్ లో వస్తున్న సినిమా సరైనోడు.. మాస్ మసాలా సినిమాలను తన స్టైల్ తో తెరకెక్కించి అభిమానులతో థియేటర్స్ లో విజిల్స్ వేసే ఎమోషన్ క్యారీ చేయగల దర్శకుడు బోయపాటి శ్రీను.. తన స్టైలిష్ యాక్షన్ తో క్రేజీ స్టార్ గా ఇమేజ్ సంపాధించిన అల్లు అర్జున్ తో సరైనోడు సినిమా తీస్తున్నాడు. ఇప్పటికే ఈ సినిమా గురించి వదిలిన ఫస్ట్ లుక్ పోస్టర్, టీజర్ అభిమానుల్లో ఉత్సాహాన్ని నింపింది.

ఇప్పుడు ఆ ఉత్సాహాన్ని రెట్టింపు చేసేలా సరైనోడు సినిమాలోని బ్లాక్ బస్టర్ సాంగ్ ప్రోమో రిలీజ్ చేశారు చిత్రయూనిట్. హాట్ గాళ్ అంజలి ఈ సాంగ్ లో స్పెషల్ ఎట్రాక్షన్ గా నిలుస్తుంది. థమన్ మ్యూజిక్ అందించిన ఈ సాంగ్ కొద్దిగంట్ల క్రితం తన ఫేస్ బుక్, ట్విట్టర్ ఎకౌంట్ లో రిలీజ్ చేశాడు బన్ని. గీతా ఆర్ట్స్ బ్యానర్ లో నిర్మించబడుతున్న ఈ సినిమాలో రకుల్ ప్రీత్ సింగ్, కేథరిన్ థ్రేసలు హీరోయిన్స్ గా నటిస్తున్నారు.

ఏప్రిల్ 22 రిలీజ్ అవుతున్న ఈ సినిమా ప్రి రిలీజ్ బిజినెస్ లో ఇరగదీస్తుంది. ఆడియో రిలీజ్ కాకుండా సినిమా ముందే ప్రి రిలీజ్ సక్సెస్ ఏర్పాటు చేసుకుంటున్న ఈ సినిమా ప్రమోషన్స్ లో సరికొత్త ట్రెండ్ ను క్రియేట్ చేస్తుంది. భారీ అంచనాలతో వస్తున్న సరైనోడు సినిమా బన్ని హ్యాట్రిక్ హిట్ మేనియాను కంటిన్యూ చేస్తుందో లేదో చూడాలి.