మిల్కీ బ్యూటీ తమన్నా ఇప్పుడు సంతోషానికి కేర్ ఆఫ్ అడ్రెస్ లా మారింది. చేస్తున్న సినిమాలన్ని సక్సెస్ అవుతుంటే ఏ హీరోయిన్ అయినా సంతోషంగా ఉండక మరేం చేస్తుంది చెప్పండి. తెలుగు తమిళ భాషల్లో ఓ సినిమా ఒకేసారి రిలీజ్ అయ్యి హిట్ అందుకుంటే ఆ కిక్కే వేరు.. ప్రస్తుతం తమన్నా ఆ జోష్ లోనే ఉంది. అయితే హిట్ ఇచ్చిన ఆనందంలో ఉన్న తమన్నా ఈ హిట్ కు ఓసారి కారణాలు అన్వేషించుకుంటే షాక్ అవుతుంది.
తనకు డైరెక్ట్ గా కాకుండా ఎవరో కాదన్న ప్రాజెక్ట్ చేసిన తమన్నా హిట్ సాధించడం జరుగుతుంది. ఇందుకు ఉదాహరణగా బాహుబలి సినిమాలో అవంతిక పాత్రలో తమన్నా అదరగొట్టేసింది. బాహుబలి అనగానే ప్రభాస్, రానా, అనుష్క అనుకుని థియేటర్స్ కు వెళ్లిన ప్రేక్షకులకు తమన్నా తన మత్తులో పడేసుకుంది. అయితే ఆ సినిమా ఆఫర్ ఎవరెవరి దగ్గరకో వెళ్లి చివరకు ఫైనల్ గా ఓ హీరోయిన్ ను అనుకుని మరి ఆమెను తప్పించి చివరి నిమిషంలో తమన్నాను పెట్టారు. బాహుబలి సినిమా సక్సెస్ లో తమన్నా కూడా ఓ పార్ట్ అయ్యింది.
అదే విధంగా రీసెంట్ రిలీజ్ ఊపిరి తమిళంలో ‘తోజ’గా రిలీజ్ అయ్యింది. ఈ సినిమాలో కూడా నాగ్ సెక్రటరీగా తమన్నా అదరగొట్టేసింది. ఊపిరిలో అవకాశం కూడా ముందు శృతి హాసన్ దగ్గరకు వెళ్లి చివరి నిమిషంలో ఆ అమ్మడు హ్యాండ్ ఇవ్వడంతో ఆఫర్ తమన్నాకు దక్కింది. ఒకే సినిమాతో అటు తమిళ్ లో ఇటు తెలుగులో హిట్ కొట్టడం సాధారణ విషయం కాదు. తమన్నా మాత్రం బాహుబలి, ఊపిరి సినిమాలతో అది సాధించగలిగింది. మరి తమన్నా లక్కీ అనుకోవాలా ఆఫర్ వదిలిన వారిది అన్ లక్కీ అనుకోవాలా అనేది వారే ఆలోచించాలి. ఏది ఏమైనా ఈ రెండు సందర్భాల్లో నటించిన తమన్నా సూపర్ హిట్ అందుకుంది.
