నాచురల్ స్టార్ గా స్క్రీన్ నేమ్ సంపాధించిన తర్వాత నాని మీద మరింత భాధ్యత పెరిగింది. అందుకే తను చేసే సినిమాల్లో ఎలాంటి తప్పులు జరుగకుండా చూస్తున్నాడు. కెరియర్ సాఫిగా సాగుతున్న సమయంలో అనవసర ప్రయాసలకు పోయి ఫ్లాప్స్ మూటకట్టుకున్న నాని భలే భలే మగాడివోయ్ సినిమాతో స్టార్ క్రేజ్ సంపాధించాడు. ఇక రీసెంట్ రిలీజ్ కృష్ణగాడివీర ప్రేమ గాథ కూడా మంచి హిట్ అవ్వడంతో నానితో సినిమా తీసేందుకు దర్శక నిర్మాతలు క్యూ కడుతున్నారు.
నాని మాత్రం ఇదివరకు చేసిన తప్పు చేయకుండా కథల విషయంలో ఆచి తూచి అడుగులేస్తున్నాడట. అందుకే ఈ మధ్య కొంతమంది దర్శకులు చెప్పిన 16 కథలకు కూడా నో చెప్పాడని ఫిల్మ్ నగర్ టాక్. ప్రస్తుతం తనకు హీరోగా మొదటి అవకాశాన్ని ఇచ్చిన మోహనకృష్ణ ఇంద్రగంటి దర్శకత్వంలో ఓ సినిమా చేస్తున్న నాని ఆ తర్వాత ఉయ్యాల జంపాల సినిమా దర్శకుడు విరించి వర్మతో సినిమా కమిట్ అయ్యాడు. మరి ఇంత జాగ్రత్త పడుతున్న నాని కెరియర్ లోమరిన్ని భారీ విజయాలు సొంతం చేసుకుని నాచురల్ స్టార్ గా మరింత క్రేజ్ సంపాధించాలని కోరుకుందాం.
