తెలుగు సినిమా పరిశ్రమలో ఏ సినిమా రిలీజ్ అయ్యి సక్సెస్ అయిన దర్శక రత్న తన అభినందనలు తెలపడం మాములే.. రీసెంట్ గా రిలీజ్ అయ్యి సూపర్ సక్సెస్ సాధించిన ఊపిరి సినిమా గురించి దర్శకరత్న దాసరి నారాయణరావు ప్రశంసలను అందించారు. తెలుగులో కొత్త తరహా సినిమాలకు ఊపిరి పోసేలా ఈ సినిమా అద్భుతంగా ఉందని.. బొమ్మరిల్లు తర్వాత ఈ పదేళ్లలో అన్ని విభాగాల్లో నచ్చిన సినిమా ఊపిరి అని దాసరి అన్నారు.
నటుడుకి నటించడానికి ఫేస్ కావాలి..కళ్లతో భావాలను పలికించగలగాలి.. ఫైట్స్, డ్యాన్స్ చేసే నాగార్జునను రెండున్నర గంటలు కుర్చిలో పెట్టి సినిమా తీయడం గొప్ప విషయమన్నారు. ఇక ఈ సినిమాలో నటించిన ప్రతి ఒక్కరు తమ తమ బెస్ట్ అవుట్ పుట్ ఇచ్చారని చెబుతూ నాగార్జున ఈ సినిమా చేయడం ఓ సాహసం అని అన్నారు. ఎక్సలెంట్ పర్ఫార్మెన్స్ చేసి అందరి ప్రశంసలను అందుకుంటున్నాడు నాగార్జున అని అన్నారు.
ఇలాంటి సినిమా తీసినందుకు నిర్మాత పివిపి గట్స్ ఉండాలని కేవలం తనలాంటి నిర్మాతలు మాత్రమే ఇలాంటి సినిమాలు తీయగలరని తెలుపుతూ చిత్రయూనిట్ మొత్తానికి తన అభినందనలు తెలిపారు దాసరి నారాయనరావు.
