సూపర్ స్టార్ మహేష్ శ్రీకాంత్ అడ్డాల కాంబినేషన్ లో వస్తున్న సినిమా ‘బ్రహ్మోత్సవం’.. పివిపి బ్యానర్ లో పరం వి పొట్లూరి నిర్మిస్తున్న ఈ సినిమా ప్రస్తుతం రామోజి ఫిల్మ్ సిటీలో షూటింగ్ జరుపుకుంటుంది. అయితే ఇందులో ముగ్గులు భామలుంటారని తెలుసు.. ఒక్కరి పాత్ర గురించి కూడా తెలియదు కాని కాజల్ బ్రహ్మోత్సవంలో తన క్యారక్టర్ గురించిన విషయాలను ఎట్టకేలకు బయట పెట్టేసింది.
బ్రహ్మోత్సవం సినిమాలో తనది చాలా డిఫరెంట్ రోల్ అని.. ఆస్ట్రేలియా నుండి స్త్రీల హక్కుల గురించి పోరాడేందుకు ఓ మహిళా శక్తిలా తన పాత్ర ఉంటుందని.. సినిమాలో తన పాత్ర చాలా సాధారణంగా ఉంటూనే చాలా ప్రత్యేకంగా ఉంటుందని చెప్పుకొచ్చింది కాజల్. ప్రస్తుతం తాను నటించిన సర్దార్ గబ్బర్ సింగ్ కూడా రిలీజ్ కు రెడీ అవుతుండగా.. రెండు భారీ సినిమాల్లో ఒకేసారి నటించడం గొప్ప అనుభూతని ఆ అదృష్టం తనకు మాత్రమే దక్కిందని సంతోషిస్తుంది కాజల్. ప్రస్తుతం ఈ రెండు సినిమాల ఫలితాన్ని బట్టే ఇక తర్వాత సినిమాల నిర్ణయాలు ఆధారపడి ఉంటాయని చెబుతుంది.
