జాతీయ ఉత్తమ చిత్రంగా ఎంపికైన బాహుబలి సినిమా గురించి ధర్మ ప్రొడక్షన్ కరణ్ జోహార్ రిలీజ్ చేసిన రాజమౌళి ఇంటర్వ్యూ ఇప్పుడు ట్రెండ్ క్రియేట్ చేస్తుంది. బాహుబలి సినిమాలో మరిన్ని విషయాలని రాజమౌళి ఈ ఇంటర్వ్యూలో షేర్ చేసుకున్నాడు. అయితే బాహుబలిలో తనకు ఇష్టమైన సన్నివేశం ఏదని అడుగగా రమ్యకృష్ణ నీళ్లలో బాహుబలిని ఒంటిచేత్తో ఎత్తే సీన్ తనకు బాగా ఇష్టమని అన్నారు.
అంతేకాదు సినిమా కోసం అందరు కష్టపడ్డారని..కొండ ఎక్కే సీన్స్ లో ప్రభాస్ భుజానికి గాయమైనా ఆ సన్నివేశాల్లో అద్భుతంగా నటించాడని.. ఆ సమయంలో ప్రభాస్ కు ఏమైనా అవుతుందేమో అని భయపడ్డామని అన్నాడు రాజమౌళి అత్యంత కష్టంతో చేసిన షూట్ కూడా అదే అంటూ ప్రస్థావించాడు. ఇక బాహుబలి టీంలో అత్యంత ఇష్టమైన వ్యక్తిగా శోభు యార్లగడ్డ పేరు చెప్పిన జక్కన్న ఆయన లేకపోతే ఈ సినిమాలేదు అన్నంతలా మాట్లాడాడు. ఈ సినిమా కోసం ఓ అసిస్టెంట్ డైరక్టర్ గా, కో డైరక్టర్ గా పనిచేశాడని శోభు యార్లగడ్డ గురించి అన్నారు రాజమౌళి.
ఇక షూటింగ్ సమయంలో ఎక్కువ అల్లరి చేసిన వ్యక్తి రానా అని చెబుతూ సెట్ కు కరెక్ట్ టైంకు వచ్చింది మాత్రం లైన్ ప్రొడ్యూసర్ శ్రీవల్లి అని అన్నారు. షూటింగ్ సమయంలో కూడా ఆమె చాలా కోపరేట్ చేశారని అన్నాడు రాజమౌళి. బాహుబలి సినిమా కోసం పనిచేసిన ప్రతి ఒక్కరి పనితనం సినిమాకు వారి పెట్టిన ఎఫర్ట్ గురించి రాజమౌళి ఆ ఇంటర్వ్యూలో మాట్లాడటం జరిగింది.
