స్టార్ హీరోలు.. కుర్ర హీరోలు ఎవరికి వారు మల్టీస్టారర్ మజాను ఎంజాయ్ చేస్తుంటే మెగా పవర్ స్టార్ రామ్ చరణ్ మాత్రం వాటికి ఇంకొంత టైం ఉందని అంటున్నాడట. రీసెంట్ గా ఓ స్టార్ డైరక్టర్ చరణ్ తో ఓ స్టోరీ డిస్కస్ చేశాడట. ఇద్దరు హీరోలతో ఓ మల్టీస్టారర్ సినిమాగా అది రాసుకున్నాడట దర్శకుడు. అయితే చెర్రి సలహా మేరకే మరో హీరోని తీసుకునే ఆలోచనతో ఉన్న దర్శకుడికి చరణ్ షాక్ ఇచ్చాడట. అసలు ఇప్పుడప్పుడే తనకు మల్టీస్టారర్ ఉద్దేశం లేదని తెగేసి చెప్పాడట.
అదీగాక ప్రస్తుతం కమిట్ అయిన సినిమాలు చాలా ఉండటంతో మల్టీస్టారర్ చేసే వీలు లేదని చెప్పినట్టు తెలుస్తుంది. మరి చెర్రి కాదన్న ఆ కథ ఏ హీరో యాక్సెప్ట్ చేసి సినిమాగా తీస్తారో చూడాలి. ప్రస్తుతం ఊపందుకున్న మల్టీస్టారర్ హవాలో తెలుగు పరిశ్రమ మరింత ప్రయోగాలు చేసే అవకాశాన్ని ప్రేక్షకులు కల్పించారు. కాదు అనుకుంటూ పోతే మల్టీస్టారర్ సినిమా కలగానే ఉంటుంది. మరి చరణ్ కు మల్టీస్టారర్ మీద మోజు ఎప్పుడు పుడుతుందో చూడాలి.
