ఏ.ఆర్ మురుగదాస్ ఈ పేరు వింటే సౌత్ లోనే కాదు నార్త్ లో కూడా వైబ్రేషన్స్ మొదలవుతాయి. తన సినిమాలతో సమాజంలో జరుగుతున్న అన్యాయాలను వేలెత్తి చూపించే తమిళ దర్శకుడు మురుగదాస్.. అయితే మురుగదాస్ లోని టాలెంట్ ను గుర్తించి తనకు మొదటి అవకాశాన్ని ఇచ్చింది అజిత్.. మన్లీ స్టార్ ఇమేజ్ ఉన్న అజిత్ మురుగదాస్ తో కలిసి ధీన అనే సినిమా తీశారు. అదే తెలుగులో సిటిజెన్ పేరుతో వచ్చింది. 2001లో వచ్చిన ఈ సినిమా సంచలన విజయం అందుకుంది. ఇక గజిని సినిమాతో తానేంటో ప్రపంచానికి తెలిసేలా చేశాడు.
ప్రస్తుతం సౌత్ నార్త్ అనే తేడా లేకుండా బిజీగా సినిమాలు చేస్తున్న మురుగదాస్ బాలీవుడ్ లో అకిరా సినిమా తీస్తున్నాడు. సోనాక్షి సిన్ హా ప్రధాన పాత్రలో నటిస్తున్న ఈ సినిమా తర్వాత మురుగదాస్ మహేష్ సినిమా చేసేందుకు రెడీ అయ్యాడు. త్వరలో మొదలయ్యే ఈ సినిమాకు ఇప్పటికే ప్రి ప్రొడక్షన్ వర్క్ పూర్తి కావొచ్చింది. మహేష్ సినిమా తర్వాత మళ్లీ తనకు మొదటి హిట్ ఇచ్చిన హీరో అజిత్ తో ఓ సినిమా చేయబోతున్నాడట మురుగదాస్.
గతంలో ఎన్నోసార్లు అజిత్ తో సినిమా చేసేందుకు ప్రయత్నించినా కుదరకపోవడంతో ఇంతకాలం కలిసి పనిచేయడం జరుగలేదు. కాని మహేష్ సినిమా పూర్తి కాగానే వెంటనే అజిత్ తో తీసేందుకు సిద్ధమయ్యాడట మురుగదాస్.. ఇప్పటికే దీనికి సంబందించిన కథా చర్చలు కూడా జరుగాయని కోలీవుడ్ టాక్. సో మొత్తానికి ఇన్నేళ్ల తర్వాత మరోసారి క్రేజీ కాంబినేషన్ లో సినిమా రాబోతుందన్న మాట. ఈ న్యూస్ తో అప్పుడే అజిత్ అభిమానుల్లో పండుగ వాతావరణం ఏర్పడింది. మరి సినిమా ఎలా ఉండబోతుందో చూడాలి.
