నాగార్జున, కార్తి నటించిన ఊపిరి సినిమా అశేష ప్రేక్షకాదరణ పొందుతుంది. రిలీజ్ అయిన అన్ని చోట్ల ప్రేక్షక నీరాజనాలు అందుకుంటున్న ఈ సినిమా తెలుగులోనే కాదు తమిళ్ లో తోజాగా రిలీజ్ అయ్యి సూపర్ సక్సెస్ అయ్యింది. తెలుగులో సినిమా రిలీజ్ అయిన మరునాడే టాక్ విని సక్సెస్ మీట్ పెట్టుకున్న చిత్రయూనిట్ కోలీవుడ్ లో ఆ మీట్ కాస్త లేట్ చేసింది. రీసెంట్ గా జరిగిన తోజా సక్సెస్ మీట్ లో ఈ సినిమాకు ఇంతటి విజయాన్ని అందించిన ప్రేక్షకులకు ధన్యవాదం తెలుపుతూ సినిమాకు సీక్వల్ ఉంటుందని ఎనౌన్స్ చేశారు సినిమాలో హీరోలు నాగార్జున, కార్తిలు.
ఓ సినిమా సక్సెస్ అయితే దానికి కొనసాగింపుగా సినిమాలు తీయడం కొత్తేమీ కాకపోయినా ఊపిరి సినిమా సీక్వల్ అంటే అది చాలా ప్రత్యేకమని చెప్పాలి. దర్శకుడు వంశీ పైడిపల్లి ఈ సీక్వల్ పనులు అప్పుడే మొదలెట్టాడట కూడా. ఇన్ టచబుల్స్ రీమేక్ గా రూపొందిన ఊపిరి సినిమా ఆ సినిమా ఫీల్ ను ఏమాత్రం పోకుండా అంతకంటే అద్భుతంగా సినిమాను తీర్చిదిద్దారని పలువురు సిని ప్రముఖుల నుండి ప్రశంసలు అందుకుంది ఊపిరి టీం. మరి రాబోతున్న సీక్వల్ ఇంకెంత మెమరబుల్ గా ఉండబోతుందో చూడాలి. ఇప్పటికే సంక్రాంతి హిట్ సోగ్గాడే చిన్ని నాయనా సినిమాకు సీక్వల్ గా బంగార్రాజు టైటిల్ ను రిజిస్టర్ చేసిన నాగ్ ఊపిరికి సీక్వల్ గా మరోసారి ట్రెండ్ క్రియేట్ చేయబోతున్నాడు.
